رەفەرەندۋم مەن قۇرىلتاي سايلاۋىن وتكىزۋگە جۇمسالاتىن شىعىندار بيۋدجەتكە قايتا قاراۋ اياسىندا ايقىندالادى جانە الدىن الا باعالاۋلار بويىنشا بۇعان دەيىنگى ناۋقانداردان اسىپ كەتپەۋى مۇمكىن. بۇل تۋرالى ءماجىلىس دەپۋتاتى ايدوس سارىم جۋرناليستەردىڭ سۇراعىنا جاۋاپ بەرە وتىرىپ مالىمدەدى، دەپ حابارلايدى Qaz365.kz.

دەپۋتاتتىڭ ايتۋىنشا، اتالعان شارالارعا بيۋدجەتتە باستاپقىدا جەكە باپ قاراستىرىلماعان، سەبەبى رەفەرەندۋم وتكىزۋ جوسپاردا بولماعان.

«بيۋدجەتتى قايتا قاراۋ قاجەت، ويتكەنى رەفەرەندۋم الدىن الا جوسپارلانبادى»، – دەدى ول.

ايدوس سارىم شىعىن كولەمىن ايقىنداۋ كەزىندە بۇرىن وتكەن سايلاۋ ناۋقاندارىنىڭ دەرەكتەرىنە سۇيەنۋ كەرەكتىگىن، الايدا ينفلياتسيا دەڭگەيى ەسكەرىلەتىنىن اتاپ ءوتتى.

«وتكەن جىلدارداعى مالىمەتتەرگە قاراۋ كەرەك. شامامەن سول دەڭگەيدە، ينفلياتسيانى ەسەپكە الا وتىرىپ»، – دەپ ناقتىلادى دەپۋتات.

جۋرناليستەردىڭ بولجامدى سوما جونىندەگى ساۋالىنا جاۋاپ بەرگەن ول، شىعىن كولەمى ونداعان ميلليارد تەڭگە شاماسىندا بولۋى مۇمكىن ەكەنىن ايتتى.

«ءيا، سولاي دەپ ويلايمىن»، – دەپ، شامامەن 12 ملرد تەڭگە كولەمىندەگى باعالاۋدى راستادى.

دەپۋتاتتىڭ سوزىنشە، تۇپكىلىكتى سوما بيۋدجەتكە ەنگىزىلەتىن وزگەرىستەرگە جانە رەفەرەندۋم مەن سايلاۋدىڭ وتكىزۋ فورماتىنا تىكەلەي بايلانىستى بولادى.

Abai.kz