تاراپتار 6 اقپان كۇنى ومان استاناسى ماسكاتتا كەزدەسەدى. بۇل تۋرالى يراننىڭ سىرتقى ىستەر ءمينيسترى ابباس اراگچي ايتتى. سوزىنشە، كەلىسسوزدەردە يادرولىق باعدارلاما تالقىلانادى.

«ۇيىمداستىرۋ جۇمىستارىنا قولداۋ كورسەتكەنى ءۇشىن وماندىق باۋىرلارىمىزعا العىس بىلدىرەمىن»، – دەپ جازدى اراگچي X الەۋمەتتىك جەلىسىندە.

بۇعان دەيىن اقش پەن يران وكىلدەرىنىڭ كەزدەسۋى ىستانبۇلدا ءوتۋى ءتيىس بولعان. وعان تاياۋ شىعىس ەلدەرىنەن كەلگەن باقىلاۋشىلار قاتىسادى دەپ جوسپارلانعان. بىراق 3 اقپان كۇنى تەگەران كەلىسسوزدەردى ومانعا كوشىرۋدى جانە ونى ەكىجاقتى فورماتتا وتكىزۋدى ۇسىنعان. بۇل تۋرالى Axios باسىلىمى جازدى.

Abai.kz