مەملەكەت باسشىسىنىڭ وكىمىمەن 3-سىنىپتى مەملەكەتتىك ادىلەت كەڭەسشىسى ەرلان راقىمجانۇلى وتەگەنوۆ قازاقستان رەسپۋبليكاسى باس پروكۋرورىنىڭ ورىنباسارى بولىپ تاعايىندالدى.

ە.ر. وتەگەنوۆ، 1976 جىلى تۋعان، ءبىلىمى جوعارى، قازاق مەملەكەتتىك زاڭ ۋنيۆەرسيتەتىن اياقتاعان.

ەڭبەك جولىن 1998 جىلى الماتى وبلىسى قاپشاعاي قالاسى پروكۋرورىنىڭ كومەكشىسى لاۋازىمىنان باستاعان. پروكۋراتۋرا ورگاندارىندا بىرقاتار باسشىلىق لاۋازىمدار اتقارعان.

اتاپ ايتقاندا اقمولا وبلىسى تسەلينوگراد جانە ەگىندىكول اۋداندارىنىڭ پروكۋرورى، الماتى وبلىسى تالعار اۋدانىنىڭ پروكۋرورى، باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ الماتى قالاسى بويىنشا باسقارماسىنىڭ باستىعى، باس پروكۋرور اپپاراتىنداعى باس پروكۋروردىڭ اعا كومەكشىسى، نۇر-سۇلتان قالاسى پروكۋرورىنىڭ ورىنباسارى بولعان.

2022 جىلعى مامىردان استانا قالاسىنىڭ پروكۋرورى بولىپ قىزمەت ەتەدى. قىزمەتتىك مىندەتتەرىن ءمىنسىز اتقارعانى ءۇشىن II دارەجەلى «ايبىن» وردەنىمەن ناگرادتالعان.

Abai.kz