قازاقستاندىق قىزداردى بادىك سوزبەن قورلاعان شەتەلدىك بلوگەرلەرگە قاتىستى قر قىلمىستىق كودەكسىنىڭ 174-بابى (ۇلتارالىق ارازدىقتى قوزدىرۋ) بويىنشا قىلمىستىق ءىس قوزعالدى. بۇل تۋرالى قر باس پروكۋروردىڭ ورىنباسارى عالىمجان قويگەلديەۆ ايتتى.

«ولارعا (قازاق ايەلدەرى مەن قىزدارىن قورلاعان بلوگەرلەر) ۇساق بۇزاقىلىق جاسادى دەگەن ايىپ تاعىلىپ، 15 تاۋلىككە قاماۋعا الىندى. سونىمەن بىرگە، ءبىزدىڭ پوليتسيا، اتاپ ايتقاندا ىشكى ىستەر مينيسترلىگى 174-باپ – ۇلتارالىق ارازدىقتى قوزدىرۋ بويىنشا تەرگەۋ جۇرگىزىپ جاتىر»، - دەدى قويگەلديەۆ.

بۇعان دەيىن الەۋمەتتىك جەلى قولدانۋشىلارى شەتەلدىك ستريمەرلەردىڭ قازاق ايەلدەرى مەن قىزدارى تۋرالى ايتقان بىلاپىت پىكىرلەرىنە نارازىلىعىن بىلدىرگەن بولاتىن.

Abai.kz