«اق جول» دەموكراتيالىق پارتياسىنىڭ توراعاسى ازات پەرۋاشەۆ قاراعاندى وبلىسىنىڭ تەمىرتاۋ قالاسىنا جۇمىس ساپارىمەن بارىپ، «Qarmet» مەتاللۋرگيالىق كومبيناتىندا ەلىمىزدىڭ ءار وڭىرىنەن كەلگەن 70-تەن استام كاسىپكەرمەن جانە كومپانيا باسشىلارىمەن كەزدەستى.

كەزدەسۋ بارىسىندا «Qarmet» جانىنان قۇرىلعان شاعىن جانە ورتا بيزنەس كلاستەرىنىڭ مۇمكىندىكتەرى تانىستىرىلدى. اتالعان جوبا كاسىپكەرلەرگە كومبينات قاجەتتىلىگى ءۇشىن تاۋار وندىرۋگە، قىزمەت كورسەتۋگە جانە ۇزاق مەرزىمدى وفتەيك-كەلىسىمشارتتار ارقىلى تۇراقتى تاپسىرىس الۋعا جول اشادى. سونىمەن قاتار، بۇل كەلىسىمدەر اياسىندا «بايتەرەك» حولدينگى ارقىلى جەڭىلدەتىلگەن نەسيە الۋ مۇمكىندىگى قاراستىرىلعان.

كاسىپكەرلەر مەتالل كونسترۋكتسيالار، قۇبىرلار، ەلەكتروتەحنيكالىق ونىمدەر ءوندىرۋ، وندىرىستىك قالدىقتاردى قايتا وڭدەۋ، IT-جۇيەلەر ەنگىزۋ جانە ونەركاسىپ جابدىقتارىن جاساۋ باعىتىنداعى ناقتى جوبالارىن ۇسىندى. سونداي-اق، كوكس ءوندىرىسى مەن رەلستىك تەحنيكا شىعارۋ سياقتى ءىرى باستامالار دا تالقىلاندى.

كەزدەسۋ بارىسىندا پارتيا توراعاسى ازات پەرۋاشەۆ بۇل جوبانىڭ ماڭىزىنا ەرەكشە توقتالدى.

ازات پەرۋاشەۆ بۇل تۋرالى:

— بۇل – وتاندىق كاسىپكەرلەر ءۇشىن ۇلكەن مۇمكىندىك. Qarmet-ءتىڭ جاڭعىرتۋ جوبالارى شاعىن جانە ورتا بيزنەسكە ناقتى تاپسىرىس، تۇراقتى جۇمىس جانە ءوندىرىستى كەڭەيتۋگە جول اشادى. مۇنداي كلاستەرلەر قازاقستان ونەركاسىبىنىڭ جاڭا تىرەگىنە اينالۋى ءتيىس، – دەدى.

ساپار اياسىندا دەلەگاتسيا كولەمى 20 مىڭ شارشى مەتر بولاتىن دايىن وندىرىستىك الاڭداردى ارالاپ كوردى. بارلىق نىساندار قاجەتتى ينجەنەرلىك ينفراقۇرىلىممەن تولىق قامتاماسىز ەتىلگەن.

ايتا كەتەيىك، بۇعان دەيىن Qarmet-ءتىڭ باس اكتسيونەرى اندرەي لاۆرەنتەۆ كاسىپورىندى جاڭعىرتۋعا ميللياردتاعان ينۆەستيتسيا باعىتتالاتىنىن مالىمدەگەن. ال كلاستەردى دامىتۋ باستاماسىن ۇلتتىق يندۋستريالىق پالاتا كوتەرگەن.

ساپار قورىتىندىسىندا كوپتەگەن كاسىپكەرلەر تەمىرتاۋعا قايتا ورالىپ، ناقتى وندىرىستىك جوبالاردى ىسكە اسىرۋعا نيەتتى ەكەنىن ءبىلدىردى. بۇل باستاما وتاندىق ءوندىرىستى كۇشەيتىپ، جاڭا جۇمىس ورىندارىن اشۋعا سەرپىن بەرمەك.

Abai.kz