جالپىۇلتتىق كواليتسيا مۇشەلەرى قاراعاندى وبلىسىنىڭ جۇرتشىلىعىمەن جانە قازاقستان حالقى اسسامبلەياسىنىڭ وكىلدەرىمەن كەزدەسۋ وتكىزدى. دوستىق ۇيىندە وتكەن جيىنعا 150-گە تارتا ادام جينالدى، ولاردىڭ قاتارىندا قوعام قايراتكەرلەرى، ەتنومادەني بىرلەستىكتەردىڭ وكىلدەرى، ءماسليحات دەپۋتاتتارى جانە قوعامدىق پىكىر كوشباسشىلارى بولدى.

كەزدەسۋدە بيلىك تارماقتارىن تۇبەگەيلى جاڭارتۋ، ەتنوسارالىق كەلىسىم، قازاقستان حالقى اسسامبلەياسىنىڭ قازىرگى ينستيتۋتتارىنىڭ وزگەرۋى جانە حالىق كەڭەسى – جاڭا كونسۋلتاتيۆتىك ورگانىنىڭ قۇرىلۋى سىندى ماسەلەلەر تالقىلاندى.

قازاقستان حالقى اسسامبلەياسىنىڭ وكىلدەرى كوپەتنوستى قوعام ءۇشىن سەنىم، تەڭدىك جانە ءوزارا سىيلاستىق ماڭىزدى ەكەنىن، بۇل جاڭا كونستيتۋتسيانىڭ پرەامبۋلاسىنان باستاپ ايقىن كورسەتىلگەنىنە نازار اۋداردى.

قحا قىزمەتىن قايتا فورماتتاۋ ماسەلەسى جەكە بلوكتا تالقىلانىپ، وندا اسسامبلەيا تۇراقتىلىق پەن ەتنوسارالىق كەلىسىمدى قامتاماسىز ەتۋدە ماڭىزدى تاريحي ءرول اتقارعانى اتاپ ءوتىلدى. وسى رەتتە، قوعامدىق پروتسەستەر مەملەكەت پەن قوعامنىڭ ءوزارا ءىس-قيمىل تەتىكتەرىن جاڭارتۋدى تالاپ ەتىپ وتىر.

پرەزيدەنت ۇسىنعان جاڭا حالىق كەڭەسى ينستيتۋتى ەتنومادەني بىرلەستىكتەردىڭ وكىلدەرىن، ءماسليحات دەپۋتاتتارىن جانە ازاماتتىق سەكتور وكىلدەرىن بىرىكتىرۋگە ءتيىس. بۇل ورگان ەلدەگى ماڭىزدى قوعامدىق-ساياسي ماسەلەلەردى، سونىڭ ىشىندە ەتنوسارالىق قاتىناستار ماسەلەلەرىن تالقىلاۋعا ازاماتتاردى كەڭىنەن تارتاتىن باستى ديالوگ الاڭىنا اينالادى دەپ كۇتىلۋدە. زاڭنامالىق باستاما جاساۋ مۇمكىندىگى حالىق كەڭەسىنە قوعام سۇرانىسىن نەگىزگە الا وتىرىپ، ءوز كۇن ءتارتىبىن جۇيەلى تۇردە ىلگەرىلەتۋگە جول اشادى.

كەزدەسۋ سوڭىندا قاتىسۋشىلار ءوڭىردىڭ الەۋەتىن ارتتىرىپ، تۇرمىس ساپاسىن جاقسارتۋ، قوعامدىق بىرلىكتى نىعايتۋ جانە ادىلەتتىلىكتى قامتاماسىز ەتۋ باعىتىندا بىرلەسكەن جۇمىستاردى جالعاستىرۋعا ءازىر ەكەنىن ايتىپ، جاڭا كونستيتۋتسيانى تولىق قولدايتىندارىن جەتكىزدى.

Abai.kz