قازاقستاندا ۇكىمەت دەڭگەيىندە «بەيبىتشىلىك كەڭەسىنە» قاراجات ءبولۋ ماسەلەسى ءالى تالقىلانعان جوق. بۇل تۋرالى قر پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ايتتى.

«بىرىنشىدەن، ءبىز ءالى ەشتەڭە ەنگىزگەن جوقپىز. بۇل ماسەلەلەردى ۇكىمەت دەڭگەيىندە ءالى تالقىلامادىق»، – دەدى جۇمانعارين ءماجىلىس كۋلۋارىندا جۋرناليستەردىڭ سۇراقتارىنا جاۋاپ بەرە وتىرىپ.

ءمينيستردىڭ ايتۋىنشا، قازاقستان كورسەتەتىن كومەكتىڭ باسىم بولىگى گۋمانيتارلىق سيپاتتا بولادى.

«اڭگىمە تۇراقتاندىرۋ اياسىندا دالالىق گوسپيتالمەن بىرگە مەديكتەردى جىبەرۋگە، ستۋدەنتتەرگە وقۋ گرانتتارىن بەرۋگە دايىن ەكەندىگىمىز تۋرالى بولىپ وتىر. ءبىز گۋمانيتارلىق كومەك كورسەتۋگە نەمەسە ازىق-تۇلىك جەتكىزۋگە دايىنبىز. ياعني، كومەكتىڭ كوپ بولىگى وسىلاي كورسەتىلەدى. ونى دا باعالاۋعا بولادى، تۇسىنەسىز بە؟ بۇل جەردە قانداي دا ءبىر تسيفرلار اتالسا، ول مىندەتتى تۇردە اقشالاي تولەنەدى دەپ ايتۋعا بولمايدى. بۇل — جان-جاقتى كومەك»، – دەپ ءتۇسىندىردى ۆيتسە-پرەمەر.

Abai.kz