جاقىن ارادا بىرقاتار ماڭىزدى زاڭ جوباسى پارلامەنت قاراۋىنا ەنگىزىلەدى. بۇل تۋرالى ءماجىلىس توراعاسى ەرلان قوشانوۆ ءمالىم ەتتى.

— بۇدان بولەك، پرەزيدەنتىمىز بىرقاتار قىلمىستىق جانە اكىمشىلىك قۇقىقبۇزۋشىلىق بويىنشا راقىمشىلىق جاريالاۋ جونىندە شەشىم قابىلدادى. سەسسيا سوڭىنا دەيىن بۇل زاڭدى دا قابىلداۋعا ءتيىسپىز. سوندىقتان بىزگە — دەپۋتاتتارعا زور جاۋاپكەرشىلىك جۇكتەلىپ وتىر. جاڭا كونستيتۋتسيانىڭ ناقتى ىسكە اسۋىن قامتاماسىز ەتۋ بىزگە بۇيىرىپ وتىرعانى — زور مارتەبە.

سوندىقتان وسى تاريحي ميسسيانى ابىرويمەن اتقارايىق! پرەزيدەنتىمىز ايتقانداي، ءبىز حالىق كونستيتۋتسياسىن كەلەشەك ۇرپاق الدىنداعى جاۋاپكەرشىلىگىمىزدى تەرەڭ سەزىنە وتىرىپ قابىلدادىق. ەندەشە، اتا زاڭىمىز كەلەر ۇرپاقتارىمىزبەن بىرگە جاساي بەرسىن! ، — دەدى ەرلان قوشانوۆ ءماجىلىستىڭ جالپى وتىرىسىندا.

Abai.kz