بقو ءبورلى اۋدانى اقساي قالاسىنداعى «زاۆودسكايا» كوشەسىنىڭ اتاۋىن «رودجەر فوكس اتىنداعى» كوشە دەپ وزگەرتىلۋىنە نارازىلىق ءبىلدىرۋشى اقسايلىق (بۇرىنعى زاۆودسكايا كوشەسى) تۇرعىنداردىڭ قولى.

اقساي قالاسىنداعى ەشكىمگە ەلەۋسىز زاۆودسكايا كوشەسىنىڭ ءبىر كۇندە رودجەر فوكس اتىنداعى كوشە بوپ وزگەرىپ شىعا كەلۋى ەل قۇلاعىن ەلەڭ ەتكىزگەن وقيعا بولدى. جاڭالىقتىڭ اۆتورى - ءبورلى اۋدانىنىڭ اكىمى بولات شاكىموۆ قاراشىعاناق كەنىشىن يگەرىپ جاتقان قپو ب.ۆ. كومپانياسىنىڭ باس ديرەكتورى ر.فوكس مىرزانى وسىلايشا تاريحتا قالدىرۋدى كوزدەسە كەرەك. شاكىموۆتىڭ اتىشۋلى شەشىمى اعىمداعى جىلدىڭ 9 ماۋسىمى كۇنى شىقتى. اۋداندىق ءماسليحات باس شۇلعىپ، ونى ماقۇلداپ تا جىبەردى.  قپو ءوز كەزەگىندە باسشىسىنىڭ ەسىمىن يەلەنگەن كوشەنى كۇردەلى جوندەۋدەن وتكىزۋگە 48 ملن. تەڭگە قارجى ءبولىپ، جارتى دۇنيەنى جارىلقاپ تاستاعانداي بوپ وتىر. جەرگىلىكتى قاداعالاۋشى ورگانداردىڭ قۇزىرىنا كۇمانمەن قاراپ، جۇمىس ساپاسىن ءوزىمىز تەكسەرەمىز دەيتىندەرىن قايتەرسىڭ.

بقو ءبورلى اۋدانى اقساي قالاسىنداعى «زاۆودسكايا» كوشەسىنىڭ اتاۋىن «رودجەر فوكس اتىنداعى» كوشە دەپ وزگەرتىلۋىنە نارازىلىق ءبىلدىرۋشى اقسايلىق (بۇرىنعى زاۆودسكايا كوشەسى) تۇرعىنداردىڭ قولى.

اقساي قالاسىنداعى ەشكىمگە ەلەۋسىز زاۆودسكايا كوشەسىنىڭ ءبىر كۇندە رودجەر فوكس اتىنداعى كوشە بوپ وزگەرىپ شىعا كەلۋى ەل قۇلاعىن ەلەڭ ەتكىزگەن وقيعا بولدى. جاڭالىقتىڭ اۆتورى - ءبورلى اۋدانىنىڭ اكىمى بولات شاكىموۆ قاراشىعاناق كەنىشىن يگەرىپ جاتقان قپو ب.ۆ. كومپانياسىنىڭ باس ديرەكتورى ر.فوكس مىرزانى وسىلايشا تاريحتا قالدىرۋدى كوزدەسە كەرەك. شاكىموۆتىڭ اتىشۋلى شەشىمى اعىمداعى جىلدىڭ 9 ماۋسىمى كۇنى شىقتى. اۋداندىق ءماسليحات باس شۇلعىپ، ونى ماقۇلداپ تا جىبەردى.  قپو ءوز كەزەگىندە باسشىسىنىڭ ەسىمىن يەلەنگەن كوشەنى كۇردەلى جوندەۋدەن وتكىزۋگە 48 ملن. تەڭگە قارجى ءبولىپ، جارتى دۇنيەنى جارىلقاپ تاستاعانداي بوپ وتىر. جەرگىلىكتى قاداعالاۋشى ورگانداردىڭ قۇزىرىنا كۇمانمەن قاراپ، جۇمىس ساپاسىن ءوزىمىز تەكسەرەمىز دەيتىندەرىن قايتەرسىڭ.

بۇعان دەيىن دە قازاققا شەكەدەن قاراپ كەلگەن شەتەلدىك ينۆەستوردىڭ قوينى - قونىشىمىزدى توناپ بولىپ، ەندى كوشەمىزگە كوز سالعانى جانىمىزعا باتادى دەيدى اقسايلىق اعايىن. ۇلىبريتانيا ازاماتى فوكس جالدامالى جۇمىسشى، مەرزىمى بىتكەندە ەلىنە قايتادى. جەراستى بايلىعى ونىڭ جەكە مەنشىگى ەمەس، قارا قازاقتىڭ قازىناسى. ولاي بولسا ءوز بايلىعىمىزدى وزىمىزگە شومىشتەپ بەرىپ، قالعانىن شەگارا اسىرىپ جاتقان قپو - عا وسىلايشا "العىس" ايتۋىمىزعا جول بولسىن. ەل باسقارعان ازامات ەڭ الدىمەن ۇلتتىق نامىستى، مۇددەنى ويلاۋى كەرەك ەدى، قازاقتىڭ جىرتىسىن جىرتۋى ءتيىس ەدى. ودان قالسا زاڭدى سىيلاۋى مىندەتتى ەدى. وكىنىشكە وراي، ونىڭ ءبىرى دە ورىندالمادى. جالعىز ادامنىڭ سولاقاي ساياساتىنىڭ سالدارىنان تۇتاس قالانىڭ تاعدىرىنا نۇقسان كەلدى. بۇگىن بيلىكتەگى اكىم كوشە اتاۋىن قالاۋىنشا وزگەرتسە، كۇنى ەرتەڭ شاھار، وبلىس، ودان اسىپ، رەسپۋبليكا اتاۋىن وزگەرتەيىك دەمەسىنە كىم كەپىل. ەڭ سوراقىسى، حالىقپەن اقىلداسىپ، "وسى سىزدەر قالاي ويلايسىزدار" دەپ جاتقان جان بالاسى جوق. جابىق ەسىك جاعدايىندا تالقىلانىپ، ون - ون بەس دەپۋتاتتىڭ "باتاسىن" العان باستاما باسقالارعا جۇعىستى بولماسىن دەپ تىلەيىك. ايتپەسە، كومىرىمىز ميتتالدىڭ، مىسىمىز ماشكەەۆيچتىڭ ۋىسىندا ەكەندىگى بەلگىلى...

تالعات قاتاۋوۆ، قالا تۇرعىنى:

- "قۋىرداقتىڭ كوكەسىن تۇيە سويعاندا كورەرسىڭ" دەگەندەي مىنا شەشىم ءبارىمىزدىڭ جاعامىزدى ۇستاتتى. ۇلتىمىزعا سىڭىرگەن زارەدەي ەڭبەگى جوق كولدەنەڭ كوك اتتىعا كوشە اتىن بەرە سالۋ دەگەن سۇمدىق وقيعا ەمەس پە؟! رەسەيدىڭ بەس گۋبەرنياسىمەن شەكتەسەتىن وبلىسىمىزدا ورىس ءتىلىنىڭ ۇستەمدىگىن جويامىز دەپ جۇرگەندە ەندى اعىلشىنمەن الىساتىن بولدىق. اۋدان اكىمىنىڭ قولىنداعى بيلىكتى پايدالانىپ، حالىقتىڭ وي-پىكىرىمەن ساناسپاي ءوز ۇلتىمىزدا اسىل ازاماتتار مەن ۇلى پەرزەنتتەر جوقتاي وزگە مەملەكەتتىڭ ءبىر الپاۋىتىنا باس ۇرعانىن ەلگە جاسالعان زور قيانات دەپ باعالايمىن. جيىرما جىل بويى شىن مانىندە مەملەكەتتىك دەڭگەيگە كوتەرىلە الماعان انا تىلىمىزگە بۇل ۇلكەن سوققى. كوزى تىرىسىندە ادامنىڭ ەسىمى كوشەگە بەرىلمەيدى دەگەن زاڭ تالاپتارىن دا ايدالادا قالدىردىق. وسىنى ەسكەرىپ، اۋدان اكىمى كوشە اتاۋىن قايتادان قالپىنا كەلتىرۋى جانە حالىقتان كەشىرىم سۇراۋى ءتيىس.

باتىس قازاقستان وبلىسى