عىلىم جانە جوعارى ءبىلىم ءمينيسترى ساياسات نۇربەك ساپاسىز جوعارى وقۋ ورىندارىن جابۋ جۇمىستارى جالعاسىپ جاتقانىن مالىمدەدى.

ۇكىمەتتەگى بريفينگ بارىسىندا جۋرناليست مينيسترلىك بۇرىن 500-دەن استام سوت وتىرىسىنا قاتىسىپ، 15 ۋنيۆەرسيتەتتى جاپقانىن ەسكە سالىپ، بۇل باعىتتاعى جۇمىستاردىڭ قازىرگى جاعدايىن سۇرادى.

بۇل پروتسەسس جالعاستى. ماسەلەن، الدىڭعى جىلى اقتوبەدە قازاقستان-رەسەي حالىقارالىق ۋنيۆەرسيتەتى تولىقتاي جابىلدى. وزدەرىڭىزگە ءمالىم، شۋسىز ءوتتى. اكتسيونەرلەرمەن كەلىسىپ، ستۋدەنتتەرىن باسقا ۋنيۆەرسيتەتتەرگە جىبەردىك. اتىراۋدا ءبىر ۋنيۆەرسيتەت جابىلدى، – دەيدى عىلىم جانە جوعارى ءبىلىم ءمينيسترى ساياسات نۇربەك.

ءمينيستردىڭ ايتۋىنشا، قازىرگى ۋاقىتتا بۇل باعىتتاعى سوت پروتسەستەرى جالعاسىپ جاتىر.

قازىرگى ۋاقىتتا شىمكەنتتە جوعارعى سوت دەڭگەيىندە سوت بولىپ جاتىر. شىمكەنتتەگى وڭىرلىك يننوۆاتسيالىق ۋنيۆەرسيتەت بار، سولارمەن دە سوت ءجۇرىپ جاتىر. بۇل جۇمىس جالعاسىپ جاتىر، – دەدى ول.

سونىمەن قاتار ۆەدومستۆو باسشىسى قانداي زاڭبۇزۋشىلىقتار انىقتالعانىن دا ءتۇسىندىردى.

ءبىلىمنىڭ ساپاسى جوق. ءتيىمسىز، قۇجاتسىز بالالاردى قابىلدايتىن ۋنيۆەرسيتەتتەردى جاپپاي جاۋىپ جاتىرمىز. ءوزىم كەلگەلى 3 ۋنيۆەرسيتەت ليتسەنزياسىنان ايىرىلدى، – دەيدى مينيستر.

Abai.kz