قىتايدا قازاقستان مەن رەسەي شەكاراسىنا جاقىن اۋماقتا اۋسىل ىندەتى تىركەلدى، - دەپ جازادى ازاتتىق راديوسى.

قىتايدىڭ اۋىل شارۋاشىلىعى مينيسترلىگى ەلدىڭ سولتۇستىك-باتىسىنداعى ايماقتا ءىرى قارا مال اراسىندا اۋسىل ىندەتى تىركەلگەنىن حابارلادى.

Reuters ۆەدومستۆونىڭ دەرەگىنە سۇيەنە وتىرىپ، ىندەت گانسۋ پروۆينتسياسى جانە شىڭجاڭ ۇيعىر اۆتونوميا ولكەسىندە انىقتالعانىن جازدى. اتالعان ءوڭىر قازاقستان جانە رەسەيمەن شەكتەسەدى.

ۆەدومستۆونىڭ حابارلاۋىنشا، اۋسىل ايماقتاعى جالپى سانى 6229 باستان قۇرالعان ەكى تابىن اراسىنداعى 219 سيىردان انىقتالعان. اۋىرعان مال جويىلعان، كارانتين شارالارى ەنگىزىلگەن.

قىتاي بيلىگىنىڭ حابارلاۋىنشا، جانۋارلاردا قىتايدا پايدالانىلاتىن ەكپەگە ءتوزىمدى قاتتى جۇعاتىن شتامم انىقتالعان. ولار مۇنداي شتامم قىتايعا "شەتەلدەن كەلگەن" دەپ سانايدى.

Abai.kz