سەناتتاعى بريفينگتە جۋرناليستەر قر سىرتقى ىستەر ءمينيسترىنىڭ ورىنباسارى ارمان يسەتوۆتەن تاياۋ شىعىستاعى سوعىسقا بايلانىستى وتاندىق كاسىپكەرلەر قانداي شىعىنعا ۇشىراپ جاتقانىن سۇرادى. ول قازىرگى تاڭدا كوپتەگەن بيزنەس-جوبالار توقتاپ تۇرعانىن مالىمدەدى. 

ونىڭ ايتۋىنشا، قازاقستاندىق كاسىپكەرلەر ازىرگە كۇتۋ رەجيمىندە. سونىمەن قاتار ۆيتسە-مينيستر ناقتى قانداي جوبالار ەكەنىن ناقتى ايتپادى.

بىزدە استىق جەتكىزۋ بولعان. ازىق-تۇلىك ونىمدەرىمەن ءوزارا الماسۋ جوبالارى دا بار ەدى. بالكىم، ولاردىڭ بارلىعى قازىر كىدىرىستە تۇرعان شىعار، – دەيدى ارمان يسەتوۆ.

سوعىس سالدارىنان بولعان قارجىلىق جانە ينۆەستيتسيالىق شىعىندار تۋرالى سۇراققا ۆيتسە-مينيستر ءىرى شىعىنداردىڭ جوق ەكەنىن ايتتى. ونىڭ سوزىنشە، ينۆەستيتسيا كولەمى ايتارلىقتاي كولەمدى بولماعان.

دەگەنمەن، يرانمەن اراداعى ارىپتەستىك قارىم-قاتىناستى ەسكەرسەك، بەلگىلى ءبىر اسەرى بار. بىراق ول اسا اۋقىمدى ەمەس، – دەپ تۇيىندەدى ارمان يسەتوۆ.

Abai.kz