جەڭىس كۇنى قارساڭىندا قاراعاندى وبلىسىندا ۇلى وتان سوعىسىنىڭ ارداگەرلەرىنە 5 ميلليون تەڭگەدەن بىرجولعى تولەم بەرىلدى. قازىرگى تاڭدا وڭىردە التى سوعىس ارداگەرى تۇرادى: ولاردىڭ بەسەۋى قاراعاندى قالاسىندا، بىرەۋى وساكاروۆ اۋدانىندا تۇرادى.

جالپى الەۋمەتتىك قولداۋ شارالارىمەن ءوڭىردىڭ 2,1 مىڭنان استام تۇرعىنى قامتىلدى.

كومەك الۋشىلاردىڭ باسىم بولىگىن تىل ەڭبەككەرلەرى قۇرادى. وبلىستا مۇنداي ساناتتاعى 2029 ادامعا 100 مىڭ تەڭگەدەن بىرجولعى تولەم جاسالدى.

سونداي-اق الەۋمەتتىك قولداۋ كەلەسى ساناتتاعى ازاماتتارعا كورسەتىلدى:

* كونتسلاگەردىڭ بۇرىنعى تۇتقىندارى مەن قورشاۋداعى لەنينگراد تۇرعىندارىنا — 200 مىڭ تەڭگەدەن (33 ادام);

* قازا تاپقان جاۋىنگەرلەردىڭ جۇبايلارى مەن جەسىرلەرىنە — 50 مىڭ تەڭگەدەن (89 ادام).

بۇدان بولەك، ارداگەرلەر ءۇشىن شيپاجاي-كۋرورتتىق ەم الۋ مۇمكىندىگى قاراستىرىلعان. بۇل شىعىندار جەرگىلىكتى بيۋدجەت ەسەبىنەن قارجىلاندىرىلادى.

Abai.kz