قازاقستان مەن وزبەكستان پرەزيدەنتتەرى تۇركىستانداعى جاڭا مەشىتكە باردى. 

قاسىم-جومارت توقاەۆ پەن شاۆكات ميرزيوەۆ ەكى ەل اراسىنداعى باۋىرلاستىق قارىم-قاتىناستار مەن رۋحاني ىنتىماقتاستىقتىڭ سيمۆولىنا اينالعان جاڭا مەشىتتى ارالاپ كوردى. مەملەكەت باسشىلارىنىڭ قاتىسۋىمەن ورتالىق قۇلشىلىق ەتۋ زالىندا قۇران اياتتارى وقىلدى.

مەشىت وزبەكستان پرەزيدەنتىنىڭ تۇركىستان تۇرعىندارى مەن بارشا قازاقستاندىقتارعا جاساعان سىيلىعى رەتىندە سالىنعان. نىساننىڭ ارحيتەكتۋراسى يسلام ساۋلەت ونەرىنىڭ داستۇرلەرى مەن زاماناۋي قۇرىلىس تەحنولوگيالارىن ۇشتاستىرادى. قاسبەتى (فاسادى) مەن ىشكى كورىنىسى ۇلتتىق ويۋ-ورنەكتەرمەن جانە مۇسىلمان كالليگرافياسىنىڭ ەلەمەنتتەرىمەن بەزەندىرىلگەن. مۇنارالاردىڭ بيىكتىگى — 61 مەتر. ىرگەلەس اۋماقتا كوگالداندىرۋ جۇمىستارى جۇرگىزىلىپ، جارىقتاندىرۋ جۇيەلەرى ورناتىلعان، سونداي-اق دەمالىس ايماقتارى مەن سۋبۇرقاقتار جابدىقتالعان.

Abai.kz