بولاشاقتىڭ كولىگى رەتىندە تەك قيال-عاجايىپ فيلمدەردە عانا كورەتىن ۇشاتىن كولىكتەر ەندى ءبىزدىڭ اسپانىمىزدا دا پايدا بولا باستادى. 19 مامىر كۇنى AlatauCity قالاسىندا وتاندىق «Alatau Advance Air Group Ltd.» جەكە كومپانياسى قازاقستاندا جانە جالپى ورتالىق ازيادا تۇڭعىش رەت eVTOL نەگىزىندەگى اەروتاكسيدىڭ دەمونستراتسيالىق ۇشۋىن وتكىزدى. بۇل اپپارات قاراپايىم تىلمەن ايتقاندا, تولىقتاي ەلەكتر قۋاتىمەن جۇمىس ىستەيتىن جانە تىكۇشاق سياقتى تىك ۇشىپ, تىك قونا الاتىن يننوۆاتسيالىق اۋە كولىگى بولىپ تابىلادى. بۇل وقيعا ءوڭىرىمىزدەگى قالالىق اۋە موبيلدىلىگىن دامىتۋ اياسىنداعى كوپتەگەن باستامالاردىڭ العاشقىسى عانا.

ءىس-شارا اياسىندا اۋە موبيلدىلىگى ەكوجۇيەسىنىڭ نەگىزگى ەلەمەنتتەرى, سونىڭىشىندە AutoFlight كومپانياسىنىڭ جولاۋشىلارعا ارنالعان اپپاراتى, ۇشقىشسىز جۇيەلەر ارقىلى جۇك جەتكىزۋ تەحنولوگياسى جانە قالالىق ورتاداعى اۋە قوزعالىسىن باسقاراتىن تسيفرلىق ناۆيگاتسيا جۇيەسى تانىستىرىلدى. كورسەتىلىمگە الەمدە سيرەك كەزدەسەتىن, 6 ورىنعا ەسەپتەلگەن PROSPERITY جولاۋشىلار مودەلى شىعارىلدى. ول ساعاتىنا 200 شاقىرىم جىلدامدىقپەن 200-دەن 250 شاقىرىمعا دەيىنگى قاشىقتىققا ۇشا الادى. بۇگىنگى ۇشۋ شامامەن 10 مينۋتقا سوزىلدى جانە قاۋىپسىزدىك تالاپتارىنا سايكەس اپپارات ىشىندە ادامسىز, ياعني جولاۋشىلارسىز اۋەگە كوتەرىلدى. قوناقتار بۇل ءساتتى ارنايى باقىلاۋ الاڭىنان تاماشالادى.

AutoFlight كومپانياسىنىڭ ءبىرىنشى ۆيتسە-پرەزيدەنتى كەللەن سە بۇلتەحنولوگيانىڭ مۇمكىندىكتەرى تۋرالى ايتا كەلە, ولاردىڭ كولىكتەرى نەگىزگى ءۇشءتۇرلى مودەلدە شىعارىلاتىنىن جەتكىزدى. ونىڭ ءبىرىنشىسى كارگو, ياعني سالماعى 400-دەن 500 كەلىگە دەيىنگى ءارتۇرلى زاتتار مەن جۇكتەردى تاسىمالداۋعا ارنالسا, ەكىنشىسى ادام تاسۋعا, ال ءۇشىنشىسى توتەنشە جاعدايلاردا ادام ىزدەۋ جانە قۇتقارۋ جۇمىستارىنا قولدانىلادى. سپيكەردىڭ سوزىنشە, اپپاراتتىڭ ىشىنە سيپاتتامالارىنا بايلانىستى 2 ۇشقىش پەن 4 ادام نەمەسە 1 ۇشقىش پەن 5 جولاۋشى سيا الادى. بۇل تولىقتاي ەلەكتروندى قۇرىلعى بولعاندىقتانجانارمايدى مۇلدەم قاجەت ەتپەيدى. كەللەن سە مىرزا قازىرگى ۋاقىتتا قازاقستانعا ارنايىلاپ جاڭا جولاۋشى تاسۋ مودەلىن شىعارۋدى جوسپارلاپ وتىرعاندارىن, ول نۇسقا نولدەن ءجۇز پايىزعا دەيىن نەبارى 1 ساعاتتىڭ ىشىندە قۋاتتالاتىنىن اتاپ ءوتتى. سونداي-اق, بۇل اپپاراتتاردىڭ قاناتتارىنىڭ مولشەرى15 مەتردى قۇرايتىندىقتان, ولار ۆەرتيكالدى تۇردە قونعاننان كەيىن جەردە كەمىندە 30 شارشى مەتر بوس كەڭىستىك كەرەك بولادى.

جوبانىڭ باستى حالىقارالىق سەرىكتەستەرىنىڭ ءبىرى – وڭتۇستىك كورەيانىڭاۋەجايلار كورپوراتسياسى. كومپانيانىڭ باس مەنەدجەرى حەرري كو قازاقستانعاكەلۋ ماقساتتارى مەن وسى ايماقتى تاڭداۋ سەبەبىن ءتۇسىندىرىپ ءوتتى. ول ءوزكورپوراتسياسىنىڭ كورەيادا 7 جىل بويى وسى ۇشاتىن قۇرىلعىلارمەن جانە ولاردىڭ ينفراقۇرىلىمىمەن اينالىسىپ كەلە جاتقانىن ايتتى. سوڭعى جىلىولار قازاقستانمەن بىرلەسە وتىرىپ, وسى وزىق مودەلدى ەلگە اكەلۋگە اتسالىسىپ, جان-جاقتى كونسۋلتاتسيالىق كومەك بەرگەن. حەرري كو مىرزانىڭ ايتۋىنشا, ۇشىپ-قونۋ جەرىنىڭ قاي جەردە ورنالاسۋى تۋرالى بىرنەشە نۇسقالار قاراستىرىلعان. ولاردىڭ ىشىندە ۇلكەن اۋەجايدىڭ ماڭى, الماتىنىڭ اينالاسىنداعى كىشكەنتاي قالالار جانە وسى الاتاۋ قالاشىعى بولدى. ناتيجەسىندە سەرىكتەستەرگە الاتاۋ قالاشىعى ءوزىنىڭ ەرەكشە تۋريستىك پروفيلىمەن وتە قاتتى ۇناعاندىقتان, ءدال وسى جەردى تاڭداۋ تۋرالى ۇسىنىسجاسالعان.

وسى ورايدا شتاب-پاتەرى قازاقستاندا ورنالاسقان «Alatau Advance Air Group Ltd.» كومپانياسى بۇل دەڭگەيگە جەتۋ ءۇشىن وتە اۋقىمدى دايىندىق جۇمىستارىن جۇرگىزدى. كومپانيانىڭ ارنايى ماماندارى مەن جوبا مەنەدجەرلەرىنەن قۇرالعان ۇيىمداستىرۋشى توپ حالىقارالىق KPMG كونسالتينگتىك كومپانياسىمەن بىرلەسىپ, تومەن بيىكتىكتەگى ەكونوميكا مەن اۋە موبيلدىلىگى سالاسىنداعى الەمدىك تاجىريبەنى جان-جاقتى زەرتتەدى. وسى جۇمىستاردىڭ اياسىندا اقش، برازيليا, ەۋروپا جانە قىتاي وندىرۋشىلەرى اراسىندا حالىقارالىق تەندەر وتكىزىلىپ, ناتيجەسىندە ەكى نەگىزگى جەتكىزۋشى تاڭداپ الىندى. كومپانيانىڭ ءوز قىزمەتكەرلەرى دە ارنايى دايىندىقتان ءوتىپ, 3-ءشى ساناتتاعى ۇشقىشسىز اۆياتسيالىق جۇيەلەر وپەراتورىنىڭ سەرتيفيكاتتارىنا يە بولدى جانە اۆياتسيالىق جۇمىستاردى ورىنداۋعا رەسمي رۇقسات الدى. سونىمەن قاتار, بۇل تەحنولوگيانى قۇقىقتىق ورىسكە ەنگىزۋ ماقساتىندا الاتاۋ قالاسىنىڭ ارنايى قۇقىقتىق رەجيمى تۋرالى كونستيتۋتسيالىق زاڭعا ءتيىستى ەرەجەلەر ەنگىزىلدى.

بۇگىنگى تاڭدا يتاليانىڭ UrbanV وپەراتورىمەن جانە كورەيا اۋەجايلار كورپوراتسياسىمەن بىرلەسىپ, الاتاۋ قالاسىنىڭ Golden اۋدانىندا بولاشاق ۆەرتيپورت, ياعني ۇشۋ-قونۋ الاڭى بولاتىن UAM Center Eurasia جوباسىن ازىرلەۋ جۇمىستارى باستالىپ كەتتى. بۇعان دەيىن Joby Aviation, كولىك مينيسترلىگى جانە باسقا دا حالىقارالىق الپاۋىتتارمەن ماڭىزدى مەموراندۋمدارعا قول قويىلعان بولاتىن. سالا ماماندارىنىڭ ايتۋىنشا, بيىلعى جىلدىڭ ءۇشىنشى توقسانىنداتاعى دا دەمونستراتسيالىق ۇشۋلار وتكىزۋ, اپپاراتتاردى جەتكىزۋكەلىسىمشارتتارىن بەكىتۋ جانە الماتى قالاسىندا دروندار ارقىلى جۇك جەتكىزۋدىڭ العاشقى پيلوتتىق جوباسىن ىسكە قوسۋ جوسپارلانىپ وتىر. وسىلايشا, ەلىمىز ورتالىق ازياداعى جاڭا سيپاتتاعى اۋە كولىگى ءداۋىرىنىڭ كوشباسشىسىنا اينالۋعا نىق قادام باستى.

ايانا قازتاي

Abai.kz