رەسەيدەگى جاعداي: بەنزين تۇگىلى، نان ءۇشىن توبەلەسەدى…
سوعىس باستالعالى بەرى كرەملدى ماقتاپ كەلگەن Z-پاتريوتتاردىڭ ءۇنى وزگەرە باستادى. بەلگىلى ناسيحاتشى الەكساندر گورنىي ەندى اشىق ايتىپ وتىر: «رەسەيدى اۋقىمدى ءارى اياۋسىز ەكونوميكالىق داعدارىس كۇتىپ تۇر. سوڭى – ىدىراۋ...»
گورنىي نە دەدى؟
Facebook-تاعى جازباسىندا ول كرەملدى «ۋكرايناعا جاپپاي كەك سوققىسىن» جاساۋعا شاقىردى. سەبەبى، ونىڭ سوزىنشە، بەيبىت كەلىسىم ەندى مۇمكىن ەمەس: «تەك تولىق جويىلۋ نەمەسە بىرەۋدىڭ كاپيتۋلياتسياسى عانا قالدى».
ەڭ سۇمدىعى مىناۋ:
«قازىر جانارماي قۇيۋ بەكەتتەرىندە بەنزين ءۇشىن توبەلەسىپ جاتىر. ەرتەڭ ءبىر ءۇزىم نان مەن ءبىر بانكا تۋشەنكا ءۇشىن ۇرىس باستالادى. وسىنى قالايسىزدار ما؟»
بۇل نەنى بىلدىرەدى؟
- ىشكى پانيكا: ءتىپتى سوعىستىڭ ەڭ بەلسەندى جاقتاستارى دا ەكونوميكالىق كۇيرەۋدى مويىنداي باستادى. بۇل – كرەمل ءۇشىن ەڭ قاۋىپتى دابىل.
- «نە ءبارى، نە ەشتەڭە»: گورنىيدىڭ ريتوريكاسى رەسەي ەليتاسىنداعى ءبىر بولىكتىڭ شاراسىزدىعىن كورسەتەدى. جەڭىسكە جەتۋدىڭ باسقا جولى قالماعانداي.
- حالىققا ەسكەرتۋ: بەنزين، سۋ، جارىق تاپشىلىعى – «گۇل شوعى» عانا. ناعىز اشارشىلىق الدا دەگەن ءسوز.
سوعىس ۇزاعان سايىن رەسەيدىڭ ىشىندەگى سىزات ۇلعايىپ بارادى. كەشە «كيەۆتى 3 كۇندە الامىز» دەگەندەر، بۇگىن «ەل ىدىراپ كەتە مە» دەپ قورقادى.
Z-بلوگەرلەردىڭ بۇل ۇرەيى كرەمل ساياساتىن وزگەرتە الا ما؟ الدە بۇل – جاي عانا حالىقتى قورقىتىپ، سوعىستى جالعاستىرۋدىڭ امالى ما؟
Abai.kz
