اقمولا وبلىسى ەلىمىزدىڭ جەتەكشى سپورت وڭىرلەرىنىڭ ءبىرى رەتىندەگى مارتەبەسىن جىلدان-جىلعا نىعايتىپ كەلەدى. بۇگىندە ءوڭىر ءىرى رەسپۋبليكالىق جارىستاردى قابىلداپ قانا قويماي, بۇقارالىق سپورتتى دامىتۋعا باعىتتالعان زاماناۋي ينفراقۇرىلىمدى جۇيەلى تۇردە قالىپتاستىرۋدا. سونىڭ جارقىن دالەلى رەتىندە كوكشەتاۋدا ءبىر كۇندە ەكى ماڭىزدى وقيعا ءوتتى: جەرگىلىكتى اتقارۋشى ورگانداردىڭتمەملەكەتتىك قىزمەتشىلەرى اراسىنداعى رەسپۋبليكالىق سپارتاكيادانىڭ سالتاناتتى اشىلۋى جانە «جاڭا جاعالاۋ» اۋماعىنداعى جاڭا سكەيت-پاركتىڭ پايدالانۋعا بەرىلۋى. بۇل – وڭىردەگى سپورت سالاسىنىڭ قارقىندىدامۋىنىڭ ايقىن كورىنىسى.

بيىل العاش رەت جەرگىلىكتى اتقارۋشى ورگانداردىڭ مەملەكەتتىك قىزمەتشىلەرى اراسىنداعى رەسپۋبليكالىق سپارتاكيادانى وتكىزۋ قۇرمەتى اقمولا وبلىسىنا بۇيىردى. بۇل تاڭداۋ كەزدەيسوق ەمەس. سوڭعى جىلدارى ءوڭىردىڭ سپورتتىق ينفراقۇرىلىمى ايتارلىقتاي نىعايىپ, بۇگىندە رەسپۋبليكالىق ءارى حالىقارالىق دەڭگەيدەگى جارىستاردى جوعارى دەڭگەيدە وتكىزۋگە تولىق مۇمكىندىك بەرىپ وتىر.

قازىرگى تاڭدا وبلىستا 343 مىڭنان استام ادام تۇراقتى تۇردە دەنە شىنىقتىرۋمەن جانە سپورتپەن اينالىسادى. بۇل ءۇشىن وڭىردە 1 200-گە جۋىق سپورت نىسانى جۇمىس ىستەيدى. سوڭعى ءۇش جىل ىشىندە 50-دەن استام جاڭا سپورت نىسانى – دەنە شىنىقتىرۋ-ساۋىقتىرۋ كەشەندەرى, سپورت مەكتەپتەرى, باسسەيندەر, امبەباپ سپورت الاڭدارى جانە وزگە دە ينفراقۇرىلىم پايدالانۋعا بەرىلدى. سونىمەن قاتار بۇگىندە تاعى 30-عا جۋىق سپورت نىسانىنىڭ قۇرىلىسى جالعاسۋدا. بۇل جۇمىستار سپورتتىڭتەك قالالاردا عانا ەمەس, اۋىلدىق ەلدى مەكەندەردە دە قولجەتىمدىبولۋىنا جول اشۋدا.

اقمولا وبلىسى بۇعان دەيىن دە اۋقىمدى حالىقارالىق جانە رەسپۋبليكالىق جارىستاردى تابىستى وتكىزىپ كەلەدى. بيىل وڭىردە زياتكەرلىك دامۋ ەرەكشەلىگى بار سپورتشىلار اراسىندا شاڭعىجارىسىنان Virtus الەم چەمپيوناتى، حالىقارالىق BURABAY ICE مۇز جۇگىرۋ جارىسى جانە باسقا دا ءىرى سپورتتىق ءىس-شارالار ۇيىمداستىرىلدى. ال رەسپۋبليكالىق سپارتاكيادانىڭ وتكىزىلۋى ءوڭىردىڭ ەلىمىزدەگى ماڭىزدى سپورت الاڭدارىنىڭ بىرىنە اينالعانىن تاعى ءبىرمارتە دالەلدەدى.

سپارتاكيادانىڭ سالتاناتتى اشىلۋ ءراسىمى Kokshe Arena كوپفۋنكتسيونالدى سپورت كەشەنىندە ءوتتى. ەلدىڭ بارلىق وڭىرىنەن  قىزمەتشىلەر ءبىر اپتا بويى سپورتتىڭ ون ءتۇرى بويىنشا باقسىنايدى. ولار فۋتزال, ۆولەيبول، 3×3 باسكەتبول، ءجۇزۋ, ۇستەل تەننيسى, ۇلكەن تەننيس، شاحمات، توعىزقۇمالاق, قازاق كۇرەسى جانە كيبەرسپورتبويىنشا جەڭىمپازداردى انىقتايدى.

اقمولا وبلىسىنىڭ اكىمى مارات احمەتجانوۆ بۇل شارانىڭ ءوڭىرءۇشىن ەرەكشە ماڭىزعا يە ەكەنىن اتاپ ءوتتى.

«اقمولا وبلىسى ءۇشىن مەملەكەتتىك قىزمەتشىلەر اراسىنداعى رەسپۋبليكالىق سپارتاكيادانى العاش رەت قابىلداۋ – ۇلكەن مارتەبە. بۇل – ءوڭىرىمىز ءۇشىن تاريحي وقيعا ءارى سپورت ينفراقۇرىلىمىن دامىتۋ باعىتىندا اتقارىلعان جۇمىستىڭ ناتيجەسىنە بەرىلگەن جوعارى باعا. سوڭعى جىلدارى ءبىز 50-دەن استام سپورت نىسانىن سالدىق جانە سپورتپەن شۇعىلدانۋعا, سونداي-اق حالىقارالىق دەڭگەيدەگىجارىستاردى وتكىزۋگە قولايلى جاعداي جاساۋدى جالعاستىرىپ كەلەمىز»، – دەدى ءوڭىر باسشىسى.

وڭىردەگى سپورتتى دامىتۋ تەك كاسىبي ارەنالارمەن شەكتەلمەيدى. بۇگىندە كوكشەتاۋ قالاسىنىڭ جاڭا كەلبەتىن ايقىنداپ تۇرعان «جاڭاجاعالاۋ» قوعامدىق كەڭىستىگى دە تۇرعىندار مەن قالا قوناقتارىنىڭسۇيىكتى دەمالىس جانە سپورت ورنىنا اينالۋدا.

جاعالاۋدى اباتتاندىرۋدىڭ كەزەكتى كەزەڭى اياسىندا مۇندا زاماناۋي سكەيت-پارك اشىلدى. جاڭا الاڭ سكەيتبوردينگپەن, BMX ۆەلوسيپەد سپورتىمەن, ساموكات جانە روليك سپورتىمەن اينالىسۋعاارنالعان. اشىلۋ كۇنى مۇندا Street Ride Contest جارىسى ۇيىمداستىرىلىپ, كاسىبي رايدەرلەر كوپشىلىككە اسەرلى كورسەتىلىمدەرىن ۇسىندى.

«وسىنداي الاڭداردىڭ اشىلۋى – كوشە سپورتىن دامىتۋداعى ماڭىزدى قادام. زاماناۋي سكەيت-پارك سپورتشىلاردىڭ ساپالى جاتتىعۋ جاساۋىنا عانا ەمەس, ءتۇرلى دەڭگەيدەگى جارىستاردى وتكىزۋگە دە مۇمكىندىك بەرەدى. قالالاردا وسىنداي كەڭىستىكتەر كوبەيگەن سايىن جاستاردىڭ سپورتقا قىزىعۋشىلىعى ارتا تۇسەدى»، – دەدى جارىسقا قاتىسۋشىلاردىڭ ءبىرى.

سپورتتىق مەرەكە JANA JAGALAU FEST جاستار فەستيۆالىمەنجالعاستى. فەستيۆال كوكشەتاۋ قالاسىنىڭ جۇزدەگەن تۇرعىنى مەن قوناعىن ءبىر الاڭعا جينادى. كەش بارىسىندا تانىمال قازاقستاندىقانشىلەر BAKR مەن BayanSulu ونەر كورسەتسە, مۋزىكالىق باعدارلامانى DJ BAUR جالعاستىردى. سونىمەن قاتار جاعالاۋ اۋماعىندا ينتەراكتيۆتى الاڭدار, فوتوزونالار مەن بەلسەندى دەمالىس ايماقتارى جۇمىس ىستەدى.

وسىلايشا, اقمولا وبلىسى سپورتتى دامىتۋعا كەشەندى كوزقاراس قالىپتاستىرىپ وتىر. زاماناۋي سپورت كەشەندەرى وڭىرگە ەلىمىزدەگى ەڭءىرى جارىستاردى قابىلداۋعا مۇمكىندىك بەرسە، جاڭا قوعامدىق كەڭىستىكتەر تۇرعىنداردىڭ كۇندەلىكتى ومىرىنە سپورتتى جاقىنداتا تۇسۋدە. ءدال وسىنداي جۇيەلى جۇمىستاردىڭ ناتيجەسىندە اقمولا وبلىسى قازاقستاننىڭ ماڭىزدى سپورت ورتالىقتارىنىڭ بىرىنە اينالىپ كەلەدى.

Abai.kz