قازاقستان «كولەڭكەلى ەكونوميكانى» جي ارقىلى انىقتاپ، ازايتاتىن بولادى...

قازاقستان ۇكىمەتى ەلدەگى كاسىپكەرلەردىڭ «كولەڭكەلى تابىسىن» انىقتاۋ ءۇشىن جاساندى ينتەللەكت (جي) نەگىزىندەگى تسيفرلىق مونيتورينگ پلاتفورماسىن ىسكە قوسادى. ماقسات — رەسپۋبليكاداعى «كولەڭكەلى ەكونوميكا» ۇلەسىن 2028 جىلعا قاراي ءجوو-ءنىڭ 13,8%-ىنا دەيىن تومەندەتۋ. ءتيىستى كەشەندى جوسپاردى ەنگىزۋ تۋرالى قاۋلىعا پرەمەر-مينيستر بەكتەنوۆ قول قويدى.

بۇل تسيفرلىق جۇيە ساۋدا، قۇرىلىس، اۋىل شارۋاشىلىعى، دەنساۋلىق ساقتاۋ جانە ءبىلىم بەرۋ سالالارىنداعى مەملەكەتتىك ورگانداردىڭ دەرەكتەر بازاسىنا قوسىلىپ، بيۋدجەتكە زالال كەلگەنگە دەيىن-اق «كولەڭكەلى» قىزمەت تاۋەكەلدەرىن انىقتايتىن بولادى. «كەشەندى جوسپار ەكونوميكانىڭ اشىقتىعىن ارتتىرۋعا جانە كولەڭكەلى ەكونوميكا تاۋەكەلدەرى ەڭ جوعارى سالالاردى تسيفرلاندىرۋعا باعىتتالعان 53 ءىس-شارانى قامتيدى»، — دەلىنگەن ۇكىمەت مالىمدەمەسىندە.

Abai.kz