بۇگىن ورتالىق سايلاۋ كوميسسياسى قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋعا قاتىساتىن تاعى 10 حالىقارالىق بايقاۋشىنى اككرەديتتەدى. بۇل تۋرالى وسك وتىرىسىندا ورتالىق سايلاۋ كوميسسياسى توراعاسىنىڭ ورىنباسارى مۇحتار ەرمان حابارلادى.

«2026 جىلعى 23 شىلدەدەگى جاعداي بويىنشا قازاقستان رەسپۋبليكاسى سىرتقى ىستەر مينيسترلىگى ورتالىق سايلاۋ كوميسسياسىنا اككرەديتتەۋ ءۇشىن 5 شەت مەملەكەت پەن 1 حالىقارالىق ۇيىمنان 10 حالىقارالىق بايقاۋشىنىڭ كانديداتۋراسىن ۇسىندى. اتاپ ايتقاندا، مولدوۆا رەسپۋبليكاسىنان - 4 كانديداتۋرا، ونىڭ ىشىندە وسى ەلدىڭ ورتالىق سايلاۋ كوميسسياسىنىڭ توراعاسى، حالىقارالىق پارلامەنتاريلەر كونگرەسىنەن (IPC) - 1 كانديداتۋرا، البانيا رەسپۋبليكاسىنان – 2 كانديداتۋرا، كۋۆەيت مەملەكەتىنەن - 1 كانديداتۋرا، ونىڭ ىشىندە وسى مەملەكەتتىڭ قازاقستانداعى ەلشىسى، سونداي-اق ارمەنيا رەسپۋبليكاسى مەن پالەستينا مەملەكەتىنەن ءبىر-ءبىر كانديداتۋرا ۇسىنىلدى»، - دەپ حابارلادى مۇحتار ەرمان.

بۇگىنگى تاڭدا ورتالىق سايلاۋ كوميسسياسى شەت مەملەكەتتەر مەن حالىقارالىق ۇيىمداردان كەلگەن 96 حالىقارالىق بايقاۋشىنى اككرەديتتەدى.

Abai.kz