«ادىلەت» پارتياسىنىڭ رەسپۋبليكالىق سايلاۋالدى شتابى تۇركىستان وبلىسىنداعى ۇگىت-ناسيحات جۇمىسىن ءوڭىر جۇرتشىلىعىمەن كەزدەسۋدەن باستادى. وبلىس ورتالىعىنداعى كونگرەسس-حوللدا وتكەن جيىنعا زيالى قاۋىم وكىلدەرى، شارۋالار، كاسىپكەرلەر مەن جاستار قاتىسىپ، ەلدىڭ الەۋمەتتىك-ەكونوميكالىق دامۋىنا قاتىستى وزەكتى ماسەلەلەردى ورتاعا سالدى.

سۋرەت: «ادىلەت» پارتياسىنان.

كەزدەسۋ بارىسىندا پارتيا توراعاسىنىڭ ورىنباسارى، قۇرىلتاي دەپۋتاتتىعىنا كانديدات راۋان كەنجەحانۇلى «ادىلەتتى بولاشاق ءۇشىن» اتتى سايلاۋالدى باعدارلامانى تانىستىردى. ونىڭ ايتۋىنشا، قۇجات جەتى ستراتەگيالىق ماقسات پەن ون نەگىزگى باسىمدىقتى قامتيدى. باعدارلامانىڭ تۇپكى ماقساتى – ازاماتتىڭ قۇقىعى مەن قادىر-قاسيەتىن باستى ورىنعا قوياتىن، اركىمنىڭ ەڭبەگى مەن بىلىمىنە سۇيەنگەن ادىلەتتى ەكونوميكالىق جۇيە قالىپتاستىرۋ.

«ءبىزدىڭ باعدارلامانىڭ وزەگىندە قاراپايىم قاعيدا جاتىر: باستى ورىندا ادام، ونىڭ قادىر-قاسيەتى، ءال-اۋقاتى جانە ءوز الەۋەتىن جۇزەگە اسىرۋ مۇمكىندىگى تۇرۋى ءتيىس. ءبىز ءار ازامات ءوز ەڭبەگى، ءبىلىمى مەن جاۋاپكەرشىلىگىنىڭ ارقاسىندا تابىسقا جەتە الاتىن مۇمكىندىكتەر ەكونوميكاسىن قالىپتاستىرعىمىز كەلەدى»، - دەدى راۋان كەنجەحانۇلى.

جيىندا ءسوز العان تۇرعىندار اۋىلدىق ەلدى مەكەندەردىڭ تىنىس-تىرشىلىگىنە قاتىستى ماسەلەلەردى كوتەردى. اتاپ ايتقاندا، ينفراقۇرىلىمدى دامىتۋ، جايىلىم تاپشىلىعى، اۋىل شارۋاشىلىعىن قولداۋ، سونداي-اق تاريحي-رۋحاني مۇرانى ساقتاۋ ماسەلەلەرى ءسوز بولدى.

سۋرەت: «ادىلەت» پارتياسىنان.

پارتيا وكىلدەرى كيەلى ورىنداردى قورعاۋدى جۇيەلى جولعا قويۋ قاجەتتىگىن ايتىپ، قولونەرشىلەردىڭ قۇقىقتىق مارتەبەسىن ايقىندايتىن ارنايى زاڭ قابىلداۋدى ۇسىندى.

سايلاۋالدى باعدارلامادا ەكونوميكانى جاڭعىرتۋعا باعىتتالعان بىرقاتار باستاما كورىنىس تاپقان. اتاپ ايتقاندا، ءبىر ميلليون ساپالى جۇمىس ورنىن اشۋ، جاساندى ينتەللەكت سالاسىندا 100 مىڭ مامان دايارلاۋ، ينجەنەرلىك مەكتەپتەر مەن TUMO يننوۆاتسيالىق ورتالىقتارىن ىسكە قوسۋ جوسپارلانعان.

سونىمەن قاتار اۋىلداردى جوعارى جىلدامدىقتى ينتەرنەتپەن قامتۋ، جاس كاسىپكەرلەرگە جەڭىلدەتىلگەن نەسيە بەرۋ، ال سۋ، گاز، جول جانە جايىلىم ماسەلەلەرىن تسيفرلىق تەڭگە ارقىلى اشىق باقىلاۋعا الۋ ۇسىنىلعان.

پارتيا توراعاسى ءارى رەسپۋبليكالىق سايلاۋالدى شتابتىڭ جەتەكشىسى ايبەك دادەباي تۇركىستان وبلىسىنىڭ رۋحاني عانا ەمەس، ەكونوميكالىق الەۋەتى دە جوعارى ەكەنىن اتاپ ءوتتى.

«ءبىز الداعى سايلاۋعا تەك داۋىس سۇراۋ ءۇشىن كەلگەن جوقپىز، سىزدەردى تىڭداپ، شىنايى جۇمىس ىستەۋ ءۇشىن كەلدىك. كەنتاۋ، ارىس، ساۋران جانە تۇركىستان تۇرعىندارى كوتەرگەن ءاربىر وزەكتى ماسەلە پارتيانىڭ تۇراقتى باقىلاۋىندا بولادى»، – دەدى ايبەك دادەباي.

ۇگىت-ناسيحات ساپارى مۇنىمەن شەكتەلمەيدى. الداعى كۇندەرى پارتيا وكىلدەرى سپورتشىلارمەن، اگرارلىق سالا ماماندارىمەن جانە تۋريزم سالاسىنىڭ وكىلدەرىمەن جەكە كەزدەسۋلەر وتكىزبەك. باعدارلامادا اۋىلدىق جەرلەردەگى سپورت ينفراقۇرىلىمىن دامىتۋ جانە شاكىرتتەرى جوعارى ناتيجە كورسەتكەن جاتتىقتىرۋشىلارعا ىنتالاندىرۋ ۇستەماقىسىن ەنگىزۋ ماسەلەسى دە قامتىلعان.

سۋرەت: «ادىلەت» پارتياسىنان.

ايتا كەتەيىك، «ادىلەت» پارتياسىنىڭ سايلاۋالدى ۇگىت-ناسيحات ناۋقانى 23 شىلدەدە استانادا رەسمي تۇردە باستالدى. قازىر رەسپۋبليكا بويىنشا پارتيانىڭ 20 وڭىرلىك جانە 226 اۋماقتىق شتابى جۇمىس ىستەپ، ناۋقانعا 30 مىڭعا جۋىق سەنىمدى وكىل تارتىلعان.

دايىنداعان:

«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.

تاپسىرىس بەرۋشى: ن.ت. مىڭجاساروۆ.

Abai.kz