قوناەۆ قالاسىندا «ادىلەت» پارتياسى الماتى وبلىستىق فيليالىنىڭ كونفەرەنتسياسى ءوتتى. جيىن قورىتىندىسى بويىنشا وبلىستىق فيليال باسشىسى، ساياسي كەڭەس مۇشەلەرى جانە باقىلاۋ-تەكسەرۋ كوميسسياسىنىڭ قۇرامى سايلاندى.

كۇن تارتىبىندە مەملەكەت باسشىسى قاسىم-جومارت توقاەۆتىڭ «جاڭا كونستيتۋتسيا – جاڭا ءداۋىر» ۇندەۋىن قولداۋ ماسەلەسى قارالدى. سونىمەن قاتار، دەلەگاتتار وبلىستىق فيليالدىڭ باسشىلىق قۇرامىن قالىپتاستىرۋ بويىنشا شەشىم قابىلدادى.

اشىق داۋىس بەرۋ ناتيجەسىندە دانيار الدابەرگەنۇلى قاسقاراۋوۆ «ادىلەت» پارتياسى الماتى وبلىستىق فيليالىنىڭ باسشىسى بولىپ سايلاندى. ول كاسىپكەرلىك، قوعامدىق جانە قوعامدىق-ساياسي قىزمەتتە مول تاجىريبە جيناعان. جاڭا قىزمەتىندە دانيار قاسقاراۋوۆ وبلىستىق فيليالدىڭ جۇمىسىن ۇيلەستىرىپ، پارتيانىڭ باعدارلامالىق ماقساتتارىن ىسكە اسىرۋ جانە ازاماتتارمەن بايلانىستى نىعايتۋ باعىتىندا جۇمىس جۇرگىزەدى.

ساياسي كەڭەس قۇرامىنا كاسىپكەرلىك، بانك سەكتورى، ءوندىرىس، الەۋمەتتىك سالا، مادەنيەت، سپورت، ءبىلىم، تابيعات قورعاۋ سالاسى، قوعامدىق بىرلەستىكتەر، جاستار ۇيىمدارى جانە ءوڭىردىڭ قوعامدىق-ەكونوميكالىق ومىرىنە قاتىسى بار وزگە دە باعىتتاردىڭ وكىلدەرى ەندى.

باقىلاۋ-تەكسەرۋ كوميسسياسىنىڭ قۇرامىنا ۇيىمداستىرۋشىلىق، قارجى-شارۋاشىلىق، قۇقىقتىق جانە قوعامدىق جۇمىس تاجىريبەسى بار ماماندار سايلاندى.

وسىلايشا، «ادىلەت» پارتياسى الماتى وبلىستىق فيليالىنىڭ باسشىلىق قۇرامى تولىق جاساقتالدى. الداعى ۋاقىتتا وبلىستىق فيليال ءوڭىر تۇرعىندارىمەن جۇيەلى جۇمىس جۇرگىزىپ، پارتيالىق باستامالاردى ىسكە اسىرۋعا، ساراپشىلار قاۋىمداستىعىمەن، كاسىپكەرلەرمەن جانە قوعامدىق بىرلەستىكتەرمەن ءوزارا بايلانىستى كۇشەيتۋگە كىرىسەدى.

Abai.kz