سايلاۋالدى ۇگىت-ناسيحات ناۋقانى اياسىندا «اق جول» دەموكراتيالىق پارتياسى اقتوبەدە جاس كاسىپكەرلەردى، بانك سەكتورىنىڭ، IT سالاسىنىڭ، دامۋ ينستيتۋتتارىنىڭ وكىلدەرىن، ستۋدەنتتەر مەن بيزنەس قاۋىمداستىعىن ءبىر الاڭعا توعىستىرعان بيزنەس-ستارتاپتار فورۋمىن وتكىزدى.

شاراعا قاتىسۋشىلار جاس كاسىپكەرلەردىڭ ستارتاپ-جوبالارى كورمەسىن تاماشالاپ، ءوز باستامالارىن تانىستىرىپ، يننوۆاتسيالىق بيزنەستى دامىتۋ ماسەلەلەرى بويىنشا تاجىريبە الماستى.

«اق جول» دەموكراتيالىق پارتياسىنىڭ توراعاسى دانيا ەسپاەۆا فورۋم قاتىسۋشىلارى الدىندا ءسوز سويلەپ، پارتيانىڭ شاعىن جانە ورتا بيزنەستى قولداۋعا، وتاندىق ءوندىرىستى دامىتۋعا، جاڭا جۇمىس ورىندارىن اشۋعا جانە كاسىپكەرلىككە قولايلى ورتا قالىپتاستىرۋعا باعىتتالعان پارتيانىڭ سايلاۋالدى باعدارلاماسىنىڭ نەگىزگى باسىمدىقتارىن تانىستىردى. اسىرەسە، جاستار باستامالارىن قولداۋ مەن كاسىپكەرلىك بەلسەندىلىكتى ارتتىرۋ ماسەلەلەرىنە ەرەكشە نازار اۋدارىلدى.

كەزدەسۋ بارىسىندا قاتىسۋشىلار ستارتاپتاردى قارجىلاندىرۋ، يننوۆاتسيالىق بيزنەستى دامىتۋ، دامۋ ينستيتۋتتارىمەن ءوزارا ارەكەتتەستىك پەن جەكە كاسىپ اشۋعا قولايلى جاعداي جاساۋ ماسەلەلەرىن تالقىلادى. جاس كاسىپكەرلەر پارتيا وكىلدەرىمەن، بانك قاۋىمداستىعىنىڭ ماماندارىمەن جانە ساراپشىلارمەن پىكىر الماسىپ، جاستار كاسىپكەرلىگىن دامىتۋعا قاتىستى ءوز ۇسىنىستارىن ورتاعا سالدى.

فورۋم قورىتىندىسى بويىنشا قاتىسۋشىلار جاستاردىڭ كاسىپكەرلىككە دەگەن قىزىعۋشىلىعىنىڭ جوعارى ەكەنىن اتاپ، جاس ازاماتتاردىڭ ءوز جوبالارىن جۇزەگە اسىرىپ، ەل ەكونوميكاسىنىڭ دامۋىنا ۇلەس قوسۋىنا مۇمكىندىك بەرەتىن قولايلى جاعداي قالىپتاستىرۋ ءۇشىن مەملەكەت، بيزنەس جانە قوعامنىڭ كۇش-جىگەرىن بىرىكتىرۋدىڭ ماڭىزدىلىعىنا توقتالدى.

ەسكەرتۋ: ماتەريالدىڭ اقىسى «اق جول» - قازاقستاننىڭ دەموكراتيالىق پارتياسىنىڭ سايلاۋالدى شتابى قورىنان تولەندى.

Abai.kz