پارتيا توراعاسى ايبەك دادەباي مەن قۇرىلتاي دەپۋتاتتىعىنا كانديداتتار كوكشەتاۋ قالاسىندا بولىپ، «Bolashaq» سارايىندا كاسىپكەرلەرمەن، ءبىلىم بەرۋ سالاسىنىڭ وكىلدەرىمەن جانە قوعام بەلسەندىلەرىمەن كەزدەستى.

سۋرەت: «ادىلەت» پارتياسىنان الىندى.

كەزدەسۋدىڭ باستى تاقىرىپتارىنىڭ ءبىرى – وتاندىق بيزنەستى قولداۋ ماسەلەسى بولدى. كاسىپكەر ينديرا نۇرلان ونەركاسىپتى دامىتۋعا ارنالعان مەملەكەتتىك باعدارلامالاردى «ءبىر تەرەزە» قاعيداتىمەن جۇمىس ىستەيتىن بىرىڭعاي تسيفرلىق پلاتفورماعا بىرىكتىرۋدى ۇسىندى. ونىڭ ايتۋىنشا، بۇل جۇيە ارقىلى كاسىپكەرلەر مەملەكەتتىك قولداۋ شارالارى تۋرالى اقپارات الىپ، ءوتىنىم بەرىپ، قارالۋ بارىسىن قاداعالاي الادى.

سۋرەت: «ادىلەت» پارتياسىنان الىندى.

كوللەدج وقىتۋشىسى نۇرجامال وسپانوۆانىڭ ويىنشا، جاڭا تسيفرلىق ەكونوميكاعا قاجەتتى كادرلاردى دايارلاۋ قاجەت. سول ءۇشىن ول جاساندى ينتەللەكت تەحنولوگيالارىن مەكتەپتەن باستاپ كەزەڭ-كەزەڭىمەن ەنگىزۋدى، وقۋشىلاردىڭ تسيفرلىق جانە AI داعدىلارىن قالىپتاستىرۋدى، ال كوللەدجدەردە روبوتوتەحنيكا مەن تسيفرلىق ينجەنەريا باعىتتارىن كۇشەيتۋدى ۇسىندى.

ال ۋربانيست راسيم حاميتوۆ ەكولوگيا مەن قالانى اباتتاندىرۋ ماسەلەلەرىنە توقتالدى. ول پارتيا باعدارلاماسىنداعى قالالاردى كوگالداندىرۋ، ەكولوگيالىق مادەنيەتتى دامىتۋ جانە تۇرعىندارعا قولايلى قالالىق ورتا قالىپتاستىرۋ باعىتىنداعى باستامالارىن قولدايتىنىن ايتادى.

«پارتيانىڭ ەكولوگيالىق مادەنيەتتى دامىتۋ باعىتىنداعى باستامالارىن قولدايمىز. سونىمەن قاتار مەملەكەت باسشىسىنىڭ «تازا قازاقستان» باستاماسىنا ەرەكشە العىس بىلدىرگىم كەلەدى. بۇل باعدارلاما قاراپايىم ەكولوگيالىق اكتسيا ەمەس، بۇكىل ەلدى بىرىكتىرگەن اۋقىمدى ۇلتتىق قوزعالىسقا اينالدى»، – دەدى ول.

وسى ورايدا قۇرىلتاي دەپۋتاتتىعىنا كانديدات راۋان كەنجەحانۇلى پارتيانىڭ سايلاۋالدى باعدارلاماسىنداعى ەكولوگيالىق باستامالاردى تانىستىرا كەتتى. باعدارلامادا قازاقستانداعى ورمان القاپتارىن 14,5 ميلليون گەكتارعا دەيىن ۇلعايتۋ قاراستىرىلعان. سونداي-اق 2030 جىلعا قاراي تازا ەنەرگيا كوزدەرىنىڭ ۇلەسىن كەمىندە 15 پايىزعا، ال 2050 جىلعا قاراي 50 پايىزعا دەيىن جەتكىزۋ كوزدەلگەن.

باعدارلامانىڭ تاعى ءبىر باعىتى جولداردىڭ، جىلۋ جەلىلەرىنىڭ، سۋ قۇبىرلارىنىڭ جانە باسقا دا ينجەنەرلىك ينفراقۇرىلىمنىڭ جاي-كۇيىن جاقسارتۋعا ارنالعان. قۇرىلتاي دەپۋتاتتىعىنا كانديدات يۋليا كۋچينسكايا وسى باعىتتاعى جوسپارلاردان حاباردار ەتتى.

«ەل بويىنشا 86 مىڭ شاقىرىم ينجەنەرلىك جەلىنى سالۋ جانە قايتا جاڭعىرتۋ جوسپارلانىپ وتىر. سونىڭ ناتيجەسىندە ولاردىڭ ورتاشا توزۋ دەڭگەيى قاۋىپسىز سانالاتىن 40 پايىزعا دەيىن تومەندەيدى. سونىمەن قاتار 2029 جىلعا دەيىن 10 مىڭ شاقىرىم رەسپۋبليكالىق اۆتوجول جوندەلىپ، جەرگىلىكتى جانە اۋداندىق جولداردىڭ نورماتيۆتىك تالاپقا ساي ۇلەسى 95 پايىزعا دەيىن جەتكىزىلەدى»، – دەدى يۋليا كۋچينسكايا.

كەزدەسۋدە ونەركاسىپ، تۋريزم جانە تسيفرلىق ەكونوميكا سالالارىنداعى كادر تاپشىلىعى ماسەلەسى دە تالقىلاندى. قۇرىلتاي دەپۋتاتتىعىنا كانديدات شولپان كارينوۆا بالاباقشالار مەن مەكتەپتەردە جاڭا ورىندار اشۋ، كوللەدجدەردى دامىتۋ جانە جاستاردى جۇمىسپەن قامتۋعا قاتىستى جوسپارلارىن باياندادى.

«ادىلەت» پارتياسىنىڭ سايلاۋالدى باعدارلاماسى اياسىندا بالاباقشالاردا 79 مىڭنان استام جاڭا ورىن اشۋ جانە مەكتەپتەردە 300 مىڭ وقۋشى ورنى پايدالانۋعا بەرۋ كوزدەلگەن. كوللەدجدەردە جاستار ەكىنشى جۇمىسشى ماماندىعىن تەگىن مەڭگەرە الادى. سونداي-اق جىل سايىن شامامەن 40 مىڭ جاس جۇمىسپەن قامتۋ باعدارلاماسىنا قاتىسادى»، – دەدى كانديدات.

كەزدەسۋدى قورىتىندىلاعان پارتيا كانديداتتارى وڭىرلەردەگى كەزدەسۋلەر قوعامنىڭ مەملەكەت باسشىسى باستاماشىلىق ەتكەن رەفورمالار مەن كونستيتۋتسيالىق وزگەرىستەردى قولدايتىنىن كورسەتىپ وتىرعانىن ايتتى. سونىمەن قاتار ولار اۋىل شارۋاشىلىعىن دامىتۋعا ارنالعان پارتيا ۇسىنىستارىنا توقتالدى.

«بۇگىندە وڭىرلەردى دامىتۋ مەملەكەت باسشىسىنىڭ ەرەكشە نازارىندا. ءبىزدىڭ مىندەتىمىز – ءار ءوڭىردىڭ ەرەكشەلىگىن ەسكەرە وتىرىپ، ونىڭ دامۋىنا جاعداي جاساۋ، جەرگىلىكتى باسشىلىقتاردىڭ وكىلەتتىگىن كەڭەيتۋ جانە ازاماتتاردىڭ قاي وڭىردە تۇرسا دا لايىقتى ءومىر سۇرۋىنە مۇمكىندىك قالىپتاستىرۋ. وبلىس ورتالىقتارى دا سوعان ساي وڭىرلەردىڭ دەربەس ەكونوميكالىق، ءبىلىم بەرۋ جانە الەۋمەتتىك ورتالىقتارى رەتىندە ارتىق قولداۋعا يە بولادى. فەرمەرلەر ءۇشىن جەڭىلدەتىلگەن قارجىلاندىرۋعا قولى جەتۋىنە مۇمكىندىگىن ارتتىرىپ, وڭدەۋشى كاسىپورىندارعا زاماناۋي اگروتەحنولوگيالار مەن ۆەتەرينارلىق قىزمەتتەردى پايدالانۋ مۇمكىندىگى ۇلعايادى. بۇل قوسىلعان قۇنى جوعارى اۋىل شارۋاشىلىعى ونىمدەرىنىڭ كولەمىن ارتتىرىپ, جاڭا كاسىپورىندار اشۋعا جانە وڭىرلەردە جاڭا جۇمىس ورىندارىن قۇرۋعا مۇمكىندىك بەرەدى»، – دەدى رەسپۋبليكالىق سايلاۋالدى شتاب وكىلدەرى.

سپيكەرلەر تۇرعىنداردان تۇسكەن ۇسىنىستاردىڭ بارلىعى پارتيانىڭ «قۋاتتى وڭىرلەر – قۋاتتى ەل» باعىتى اياسىنداعى الداعى جۇمىسىنا نەگىز بولاتىنىن ايتتى.

رەسپۋبليكالىق سايلاۋالدى شتاب وكىلدەرى اپتا بويى ەلىمىزدىڭ وڭىرلەرىندە سايلاۋشىلارمەن كەزدەسۋلەر وتكىزىپ كەلەدى. اقمولا وبلىسىنا دەيىن ولار تۇركىستان، ماڭعىستاۋ، اتىراۋ، قاراعاندى جانە ۇلىتاۋ وبلىستارىندا بولدى.

دايىنداعان:

«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.

تاپسىرىس بەرۋشى: ن.ت. مىڭجاساروۆ.

Abai.kz