قازاقستاننىڭ باس پروكۋراتۋراسى جۇرتتى 23 تامىزعا بەلگىلەنگەن قۇرىلتاي دەپۋتاتتارىن سايلاۋعا بايلانىستى سايلاۋ زاڭىن قاتاڭ ساقتاۋعا شاقىردى. پارتيالىق تىزىمدەردى ۇسىنۋ جانە تىركەۋ 2–23 شىلدە ارالىعىندا وتەدى، ال سايلاۋالدى ۇگىت 23 شىلدە ساعات 18:01-دە باستالىپ، 22 تامىز ساعات 00:00-دە اياقتالادى.

باس پروكۋراتۋرا سايلاۋعا كانديداتتاردى تىركەۋ اياقتالعانعا دەيىن كەز كەلگەن سايلاۋالدى ۇگىت زاڭسىز ەكەنىن، ونداي ارەكەت جاساعاندارعا اكىمشىلىك جاۋاپكەرشىلىك قاراستىرىلعانىن ەسكەرتتى. كانديداتتار مەن پارتيالار اتىنان نەمەسە ولاردى قولداپ قايىرىمدىلىق اكتسيالارىن وتكىزۋگە، سايلاۋشىلارعا تاۋار، قىزمەت نەمەسە اقشا ۇسىنۋعا تىيىم سالىناتىنىن ايتقان پروكۋراتۋرا زاڭ ەرەجەسىن بۇزۋ كانديداتتى نەمەسە پارتيالىق ءتىزىمدى تىركەۋدىڭ كۇشىن جويۋعا دەيىن اكەلۋى مۇمكىن ەكەنىن ايتقان.

زاڭدىلىقتىڭ ورىندالۋىن قاداعالايتىن مەملەكەتتىك ورگان باق پەن ونلاين-پلاتفورمالاردى كانديداتتار تۋرالى جالعان نەمەسە ار-نامىسىنا نۇقسان كەلتىرەتىن اقپارات جاريالاماۋعا شاقىرىپ، جالعان اقپارات تاراتۋ ءۇشىن اكىمشىلىك جانە جەكەلەگەن جاعدايلاردا قىلمىستىق جاۋاپكەرشىلىك كوزدەلگەنىن ەسكەرتتى.

بۇعان قوسا باس پروكۋراتۋرا قوعامدىق پىكىرگە ساۋالناما جۇرگىزۋ جانە جاريالاۋ ءتارتىبىن دە ەسكە سالدى. سايلاۋعا بەس كۇن قالعان كەزدەن باستاپ جانە داۋىس داۋىس بەرۋ كۇنى ونداي ساۋالناما قورىتىندىلارىن جاريالاۋعا تىيىم سالىنادى، ال جەكە تۇلعالارعا سايلاۋعا قاتىستى ساۋالناما جۇرگىزۋگە بولمايدى.

دەرەككوزى: ازاتتىق راديوسى

Abai.kz