قازاقستان قارۋلى كۇشتەرى اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى دانيار حايرۋشەۆ وقۋ-جاتتىعۋ كەزىندە اسكەري قىزمەتشىلەردىڭ قازا بولۋىنا قاتىستى ءىس بويىنشا ۇستالعان بەس اسكەري لاۋازىمدى تۇلعانىڭ ءبىرى.

ىشكى ىستەر مينيسترلىگى ۇستالعانداردىڭ ەسىمدەرىن رەسمي تۇردە جاريالاعان جوق، الايدا حايرۋشەۆتىڭ لاۋازىمى قورعانىس مينيسترلىگىنىڭ اشىق دەرەكتەرىمەن راستالادى (دەرەككوزى - چينوۆنيك تەلەگرام ارناسى).

2026 جىلدىڭ مامىر ايىندا حايرۋشەۆ اتك باس قولباسشىسىنىڭ ءبىرىنشى ورىنباسارى بولىپ تاعايىندالعان ەدى. سول كەزدە ول اسكەردىڭ جوعارى جاۋىنگەرلىك ازىرلىگىن قامتاماسىز ەتكەنى جانە قىزمەتتەگى جەتىستىكتەرى ءۇشىن ءىى دارەجەلى «ايبىن» وردەنىمەن ماراپاتتالعان بولاتىن.

ەسكە سالا كەتەيىك، بۇعان دەيىن قر ءىىم بەس ادامنىڭ ۇستالعانىن حابارلاعان ەدى. ولار: شتاب باستىعى – اتك باس قولباسشىسىنىڭ ءبىرىنشى ورىنباسارى، ەكى اسكەري ءبولىم كومانديرى، سونداي-اق تەڭىز جاياۋ اسكەرلەرى روتاسىنىڭ كومانديرى مەن كاتەر كومانديرى.

Abai.kz