قۇرىلتايدىڭ بۇرىنعى دەپۋتاتى تاتيانا ساۆەلەۆا قازاقستان قورعانىس ءمينيسترىنىڭ جاڭا ورىنباسارى بولدى. ءتيىستى قۇجاتقا بۇگىن، 2026 جىلعى 7 قازاندا مەملەكەت باسشىسى قاسىم-جومارت توقاەۆ قول قويدى.

«مەملەكەت باسشىسىنىڭ وكىمىمەن تاتيانا ميحايلوۆنا ساۆەلەۆا قازاقستان رەسپۋبليكاسىنىڭ قورعانىس ءمينيسترىنىڭ ورىنباسارى بولىپ تاعايىندالدى».

پرەزيدەنتتىڭ ەكىنشى وكىمىمەن اسكەر بەيسەنوۆ قر قورعانىس ءمينيسترىنىڭ ورىنباسارى لاۋازىمىنان بوساتىلدى.

تاتيانا ساۆەلەۆا 1976 جىلعى 11 ساۋىردە اقمولا وبلىسىندا دۇنيەگە كەلگەن. اقمولا اگرارلىق ۋنيۆەرسيتەتىن (2001 ج.، «ەكونوميكا جانە مەنەدجمەنت» ماماندىعى) جانە ەۋرازيا ۇلتتىق ۋنيۆەرسيتەتىن (2007 ج.، «ەكونوميكا» ماماندىعى) بىتىرگەن.

ەڭبەك جولىن استانا قالاسى قارجى باسقارماسىنىڭ جەتەكشى مامانى لاۋازىمىنان باستاعان (1999–05.2002). ودان كەيىن قر قارجى مينيسترلىگى مەملەكەتتىك بيۋدجەت دەپارتامەنتىنىڭ رەسپۋبليكالدىق بيۋدجەتتى ازىرلەۋ باسقارماسىندا (05.2002–10.2002), قر ەكونوميكا جانە بيۋدجەتتىك جوسپارلاۋ مينيسترلىگى بيۋدجەت ساياساتى مەن جوسپارلاۋ دەپارتامەنتىندە (10.2002–11.2008), قر قارجى مينيسترلىگى بيۋدجەتتىك جوسپارلاۋ جانە بولجاۋ، بيۋدجەتتىك جوسپارلاۋ دەپارتامەنتىندە (06.2012–04.2016) ءارتۇرلى قىزمەتتەردى اتقاردى. قر قارجى ۆيتسە-ءمينيسترى بولدى (05.04.2016–28.03.2023).

سونىمەن قاتار «AMANAT» پارتياسى» قوعامدىق بىرلەستىگىنىڭ پارتيالىق ءتىزىمى بويىنشا قر پارلامەنتى ءماجىلىسى دەپۋتاتتىعىنا كانديدات (15.02.2023), «AMANAT» پارتياسى» قب پارتيالىق ءتىزىمى بويىنشا VIII شاقىرىلىمداعى قر پارلامەنتى ءماجىلىسىنىڭ دەپۋتاتى (28.03.2023–01.07.2026), قارجى جانە بيۋدجەت كوميتەتىنىڭ حاتشىسى، توراعاسى (14.02.2024–01.07.2026), «ادىلەت» پارتياسى» قب پارتيالىق ءتىزىمى بويىنشا قر قۇرىلتايى دەپۋتاتتىعىنا كانديدات (21.07.2026), «ادىلەت» پارتياسىنان ءى شاقىرىلىمداعى قر قۇرىلتايىنىڭ دەپۋتاتى (27.08.2026 باستاپ), قارجى جانە بيۋدجەت كوميتەتىنىڭ مۇشەسى (28.08.2026 باستاپ) بولدى.

Abai.kz