وقيعا 20 قازاندا ءدوڭ تاۋ-كەن بايىتۋ كومبيناتىنىڭ شاحتاسىندا بولدى. جۇمىس بارىسىندا تاۋ جىنىسى وپىرىلىپ، 24 جاستاعى جۇمىسشى ونىڭ استىندا قالىپ قويعان. ازامات العان جاراقاتتارىنان وقيعا ورنىندا كوز جۇمدى.

«قازحروم» كومپانياسىنىڭ مالىمەتىنشە، كەنشى قورعانىش بەكىتپەسىن ورناتۋ كەزىندە كەن ماسساسى كەنەتتەن وپىرىلعان. قايعىلى جاعداي تۋرالى مەملەكەتتىك ورگاندارعا حابارلاندى. قازىرگى ۋاقىتتا ماماندار وقيعانىڭ سەبەپ-سالدارى مەن ونىڭ الدىن الۋ مۇمكىندىكتەرىن انىقتاپ جاتىر.

«قازحروم» تۇك» اق — Eurasian Resources Group (ERG) قۇرامىنا كىرەتىن كاسىپورىن. ەلىمىزدىڭ ءتۇرلى وندىرىستىك سالالارى مەن ايماقتارىنداعى ءىرى نىسانداردىڭ باسىن بىرىكتىرىپ وتىرعان بۇل ونەركاسىپتىك حولدينگ ۇزاق جىلدار بويى ەكس-پرەزيدەنت نۇرسۇلتان نازارباەۆقا جاقىن سەرىكتەستەردىڭ باقىلاۋىندا بولدى. بيىل جازدا ERG مەنەدجەرلەر كەڭەسىنىڭ قۇرامىنا كاسىپكەر شاحمۇرات ءمۇتالىپ كىردى. ول پاتوح شوديەۆ پەن الەكساندر ماشكەۆيچتىڭ مۇراگەرلەرىنە تيەسىلى ۇلەستى ساتىپ الىپ، حولدينگتىڭ 39,3% اكتسياسىنا يەلىك ەتتى. ERG-ءدىڭ قالعان اكتسيالارى مەملەكەتكە (40%) جانە يبراگيموۆتار وتباسىنا (20,7%) تيەسىلى.

Abai.kz