اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتى بەرۋ جونىندەگى كوميسسيانىڭ قورىتىندى وتىرىسى ءوتتى.

قازاقستان رەسپۋبليكاسىنىڭ مادەنيەت جانە اقپارات ءمينيسترى ارمان قىرىقباەۆ 2026 جىلعى قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ قورىتىندى وتىرىسىنا قاتىستى. جيىن ۆيتسە-پرەزيدەنت ەرلان قاريننىڭ توراعالىعىمەن ءوتتى.

ارمان قىرىقباەۆ كونكۋرستىڭ ەكىنشى كەزەڭىنە وتكەن تۋىندىلاردى قوعامدىق تالقىلاۋ قورىتىندىسى تۋرالى بايانداما جاسادى.

زيالى قاۋىمىنىڭ بەدەلدى وكىلدەرىنەن قۇرالعان كوميسسيا مۇشەلەرى ادەبيەت، مۋزىكا، تەاتر جانە بەينەلەۋ ونەرى سالالارى بويىنشا ۇسىنىلعان 7 جۇمىستى قارادى.

داۋىس بەرۋ ناتيجەسىندە كوميسسيا مۇشەلەرى ۇسىنىلعان تۋىندىلار جونىندە ورتاق شەشىمگە كەلە المادى. وسىعان بايلانىستى بيىل اباي اتىنداعى مەملەكەتتىك سىيلىق بەرىلمەيتىن بولدى.

وتىرىستا جۇمىستاردى باعالاۋ شارتتارىن قايتا قاراۋ، ساراپتامالىق سۇيەمەلدەۋ تەتىكتەرىن جەتىلدىرۋ جانە كونكۋرستىق ىرىكتەۋ راسىمدەرىن جۇيەلەۋ ۇسىنىلدى.

Abai.kz