اتىراۋدا پرەزيدەنت جولداۋىندا بەلگىلەنگەن مىندەتتەر مەن باستامالاردى ءتۇسىندىرۋ ماقساتىندا اقپاراتتىق-ناسيحاتتىق توپ ءوز جۇمىسىن باستادى.

توپ مۇشەلەرى وڭىردەگى مەكەمەلەردىڭ ەڭبەك ۇجىمدارىمەن جانە تۇرعىندارمەن كەزدەسۋلەر وتكىزىپ، ەل دامۋىنىڭ باسىم باعىتتارىن تالقىلايدى.العاشقى كەزدەسۋ حالەل دوسمۇحامەدوۆ اتىنداعى اتىراۋ ۋنيۆەرسيتەتىندە ءوتىپ، وعان 100-دەن استام ادام قاتىستى.

جيىندا قر قۇرىلتاي دەپۋتاتى ارمان حايرۋللين جولداۋدا كوتەرىلگەن الەۋمەتتىك-ەكونوميكالىق ماسەلەلەرگە توقتالىپ، الداعى كەزەڭگە ارنالعان باستامالاردىڭ ماڭىزىن ءتۇسىندىردى.

ونىڭ ايتۋىنشا، دەنساۋلىق ساقتاۋ سالاسىندا ۋچاسكەلىك مەديتسينا قىزمەتكەرلەرىنىڭ ەڭبەكاقىسىن كەزەڭ-كەزەڭىمەن 40 پايىزعا كوتەرۋ جوسپارلانىپ وتىر. ءبىلىم بەرۋ باعىتىندا مۇعالىمدەردىڭ قاعازباستىلىعىن ازايتىپ، نەگىزگى مىندەتى – ساپالى ءبىلىم بەرۋگە باسىمدىق بەرۋ قاجەتتىگى ايتىلدى. سونىمەن قاتار 20 وڭىردە 237 مىڭ بالاعا ارنالعان ارنايى مەكتەپتەر سالۋ كوزدەلگەن.

كەزدەسۋدە «حالىقتىق قۇرىلىس» جوباسىنا دا ەرەكشە نازار اۋدارىلدى. دەپۋتاتتىڭ ايتۋىنشا، 2027 جىلدى قۇرىلىس جىلى دەپ جاريالاۋ تۋرالى ۇسىنىس ەلدەگى دەموگرافيالىق وسىمگە ساي الەۋمەتتىك ينفراقۇرىلىمدى دامىتۋعا جول اشادى. جاڭا مەكتەپتەر، مادەنيەت جانە الەۋمەتتىك نىساندار سالۋ قاجەتتىلىگى ارتىپ كەلەدى. بۇل رەتتە قۇرىلىس سالاسىن دامىتۋ جاڭا جۇمىس ورىندارىن اشۋعا دا ىقپال ەتەدى.

– «حالىقتىق قۇرىلىس» جوباسى ەلدىڭ دامۋىنا سەرپىن بەرەدى دەپ ەسەپتەيمىن. بۇل – بولاشاققا سالىنعان ينۆەستيتسيا. جوبا اياسىندا 100 مىڭ جاڭا جۇمىس ورنىن اشۋ كوزدەلىپ وتىر. ول ءۇشىن زاڭنامالىق نەگىزدەردى جەتىلدىرىپ، كاسىپكەرلەردىڭ جۇمىسىنا كەدەرگى كەلتىرمەيتىن قولايلى جاعداي قالىپتاستىرۋ ماڭىزدى، – دەدى ارمان حايرۋللين.

Abai.kz