دۇيسەنبى, 16 قاراشا 2026
جاڭالىقتار 77 0 پىكىر 16 قاراشا, 2026 ساعات 14:29

الاياقتار جي ارقىلى سمارتفوندى بۇعاتتاۋعا كوشتى...

سۋرەت: magnific.com سايتىنان الىندى.

تسيفرلىق تەحنولوگيالار مەن جاساندى ينتەللەكتىنىڭ قارىشتاپ دامۋى الەmmى جەڭىلدەتىپ قانا قويماي، كيبەرقىلمىسكەرلەردىڭ دە ايلا-شارعىسىن تۇرلەندىرە تۇسۋدە.

قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ قىلمىستىق قاتەرلەردى بولجاۋ ورتالىعى جاڭا قاۋىپتى الاياقتىق سحەمانىڭ پايدا بولعانى تۋرالى رەسمي تۇردە ەسكەرتتى. زيانكەستەر ەندى ازاماتتاردى الداۋ ءۇشىن تەگىن جاساندى ينتەللەكت (جي) بيۋتي-سەرۆيستەرىن جامىلۋدا.

«جاڭا يميدج» جامىلعان قاۋىپتى ۆيرۋس

شەتەلدىك دەرەككوزدەرگە سۇيەنگەن قۇقىق قورعاۋ ورگاندارىنىڭ مالىمەتىنشە، الاياقتار فوتوسۋرەت ارقىلى شاش ۇلگىسىن، ماكياج تاڭداۋعا جانە جەكە وبرازىڭىزدى جاساۋعا كومەكتەسەتىن تەگىن ي-قوسىمشالار رەتىندە زياندى باعدارلامالاردى جاپپاي تاراتۋدا.

بۇل سحەمانىڭ جۇمىس ىستەۋ ءتاسىلى قاراپايىم، بىراق اسا قاۋىپتى:

الەۋمەتتىك جەلىلەر مەن جارنامالار ارقىلى ادەمى وبراز جاساۋعا قىزىققان الەۋەتتى قۇرباندارعا ارنايى سىلتەمە ارقىلى قوسىمشانى جۇكتەپ الۋ ۇسىنىلادى;

ۋادە ەتىلگەن «اقىلدى بيۋتي-سەرۆيستىڭ» ورنىنا سمارتفونعا الاياقتارعا قۇرىلعىڭىزدى تولىق قاشىقتان باسقارۋعا مۇمكىندىك بەرەتىن قاۋىپتى ۆيرۋس ورناتىلادى;

باعدارلاما ورناتىلعان سوڭ، قىلمىسكەرلەر جەكە دەرەكتەردى كورىپ قانا قويماي، بانك قوسىمشالارىنا قول جەتكىزىپ، شوتتاعى بارلىق اقشانى شەشىپ الۋ قاۋپىن تۋدىرادى.

كيبەرگيگيەنا: قالاي قورعانۋعا بولادى؟

باس پروكۋراتۋرا ازاماتتاردى قىراعى بولۋعا شاقىرىپ، سمارتفورنىڭىزدى جانە قارجىڭىزدى ساقتاۋ ءۇشىن قاراپايىم قاۋىپسىزدىك ەرەجەلەرىن ساقتاۋدى ەسكەرتەدى:

قوسىمشالاردى تەك رەسمي پلاتفورمالاردان (Google Play, App Store) عانا جۇكتەپ الىڭىز;

بەلگىسىز جارنامالار مەن الەۋمەتتىك جەلىلەردەگى كۇماندى سىلتەمەلەرگە وتۋدەن باس تارتىڭىز;

باعدارلامانىڭ قانداي فۋنكتسيالارعا (بانكتەرگە، حابارلامالارعا، ۋۆەدوملەنياعا) رۇقسات سۇرايتىنىنا مۇقيات بولىڭىز;

بەيتانىس سەرۆيستەرگە بانك كارتالارىنىڭ دەرەكتەرىن، قۇپيا سوزدەردى جانە SMS-كودتاردى ەشقاشان ەنگىزبەڭىز.

ءسوز ءتۇيىنى: سىرت كەلبەتتى وزگەرتۋ نەمەسە قىزىقتى ي-فيلترلەردى قولدانۋ ارقىلى كەلەتىن جەڭىل ولجا مەن تەگىن قىزمەتتەردىڭ ارتىندا كوبىنەسە قاۋىپتى كيبەرقىلمىسكەرلەر تۇرادى. سمارتفون — بۇگىندە ارقايسىمىزدىڭ جەكە بانكىمىز بەن ءومىرىمىزدىڭ تسيفروفتىق كوشىرمەسى. سوندىقتان كەز كەلگەن قوسىمشانى جۇكتەمەس بۇرىن ونىڭ قاينار كوزىنە كوز جەتكىزىپ، الاياقتارعا الدانىپ قالماۋ اسا ماڭىزدى.

Abai.kz

0 پىكىر