الماتى. 17 قاراشا. قازتاگ – ديليارام اركين. الماتى قارجى پوليتسياسى باستىعىنىڭ قاماۋعا الىنعان ورىنباسارى ەسىرتكى ساتىپ، تۇتىندى دەپ كۇدىكتەلىپ وتىرعان ايدىن جانتەلەەۆكە قاتىستى باس پروكۋراتۋرانىڭ تەرگەۋى بۇلتارتپاۋ شاراسىن ەشقايدا كەتپەۋ تۋرالى قولحاتقا اۋىستىردى. بۇل تۋرالى جۋرناليستەرمەن كەزدەسۋدە بۇل ءىس بويىنشا كۋاگەر مۇحيت تاعاەۆتىڭ ادۆوكاتى تەڭگەبەك بايىمبەتوۆ حابارلادى.

«قازىرگى ۋاقىتتا ا. جانتەلەەۆتەن ەشقايدا كەتپەۋ تۋرالى قولحات الىنىپ، ول بوساتىلدى»، - دەپ اتاپ كورسەتتى ادۆوكات. ت. بايىمبەتوۆتىڭ ايتۋىنشا، بۇل شارا كۋاگەرلەردى قورعاۋ باعدارلاماسىنا الىنعان ونىڭ قورعاۋىنداعى ازاماتتىڭ تاعدىرىنا الاڭداۋشىلىق تۋدىرادى.

«14 قاراشادا مەنىڭ قورعاۋىمداعى مۇحيت تاعاەۆ الماتى پروكۋراتۋراسىنىڭ عيماراتىنا جانتەلەەۆتىڭ ءىسى بويىنشا جاۋاپ بەرۋگە شاقىرىلعان. جاۋاپ بەرۋ بارىسىندا كابينەتكە كۇتپەگەن جەردەن جانتەلەەۆ كىرىپ بارىپ، مەنىڭ قورعاۋىمداعى ادامدى قورقىتا باستاعان»، - دەدى ت. بايىمبەتوۆ.

م. تاعاەۆتىڭ ادۆوكاتى بۇل وقيعانى قپك نورمالارىن، سونىڭ ىشىندە 214 بابىن تىكەلەي بۇزۋ دەپ باعالاپ وتىر.

الماتى. 17 قاراشا. قازتاگ – ديليارام اركين. الماتى قارجى پوليتسياسى باستىعىنىڭ قاماۋعا الىنعان ورىنباسارى ەسىرتكى ساتىپ، تۇتىندى دەپ كۇدىكتەلىپ وتىرعان ايدىن جانتەلەەۆكە قاتىستى باس پروكۋراتۋرانىڭ تەرگەۋى بۇلتارتپاۋ شاراسىن ەشقايدا كەتپەۋ تۋرالى قولحاتقا اۋىستىردى. بۇل تۋرالى جۋرناليستەرمەن كەزدەسۋدە بۇل ءىس بويىنشا كۋاگەر مۇحيت تاعاەۆتىڭ ادۆوكاتى تەڭگەبەك بايىمبەتوۆ حابارلادى.

«قازىرگى ۋاقىتتا ا. جانتەلەەۆتەن ەشقايدا كەتپەۋ تۋرالى قولحات الىنىپ، ول بوساتىلدى»، - دەپ اتاپ كورسەتتى ادۆوكات. ت. بايىمبەتوۆتىڭ ايتۋىنشا، بۇل شارا كۋاگەرلەردى قورعاۋ باعدارلاماسىنا الىنعان ونىڭ قورعاۋىنداعى ازاماتتىڭ تاعدىرىنا الاڭداۋشىلىق تۋدىرادى.

«14 قاراشادا مەنىڭ قورعاۋىمداعى مۇحيت تاعاەۆ الماتى پروكۋراتۋراسىنىڭ عيماراتىنا جانتەلەەۆتىڭ ءىسى بويىنشا جاۋاپ بەرۋگە شاقىرىلعان. جاۋاپ بەرۋ بارىسىندا كابينەتكە كۇتپەگەن جەردەن جانتەلەەۆ كىرىپ بارىپ، مەنىڭ قورعاۋىمداعى ادامدى قورقىتا باستاعان»، - دەدى ت. بايىمبەتوۆ.

م. تاعاەۆتىڭ ادۆوكاتى بۇل وقيعانى قپك نورمالارىن، سونىڭ ىشىندە 214 بابىن تىكەلەي بۇزۋ دەپ باعالاپ وتىر.

«ءوزىمنىڭ قورعاۋىمداعى ازاماتتىڭ جانە جەكە ءوزىمنىڭ اتىمنان باس پروكۋراتۋرادان سۇرايتىنىم، تەرگەۋ ءبىزدى ايىپتالۋشى تاراپىنان وسىنداي وقيعالاردىڭ قايتالانۋىنان قورعاسىن. ەگەر مۇنداي ارەكەتتەر قايتالاناتىن بولسا، مەن باس پروكۋراتۋرادان ا. جانتەلەەۆكە قاتىستى بۇلتارتپاۋ شاراسىن وزگەرتىپ، ونى قاماۋعا الۋدى تالاپ ەتەتىن بولامىن»، - دەپ اتاپ كورسەتتى ت. بايىمبەتوۆ.

ونىڭ ايتۋىنشا، م. تاعاەۆ پەن ا. جانتەلەەۆ مەكتەپتەن بەرى تانىس.

«تاعاەۆ بۇرىنعى سىنىپتاسىنا ەسىرتكى اكەلىپ تۇرعان. سوندىقتان قۇقىق قورعاۋ ورگاندارىندا ونى وسى ءىس بويىنشا كۋاگەر رەتىندە الۋعا نەگىز بولدى»، - دەپ ناقتىلادى ادۆوكات.

بۇرىن حابارلانعانداي، 2009 جىلدىڭ 5 قاراشاسىندا ۇقك الماتى قالاسى بويىنشا دەپارتامەنتىنىڭ قىزمەتكەرلەرى جەر استى اۆتوتۇراقتارىنىڭ بىرىنەن ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ الماتىلىق دەپارتامەنتى توراعاسىنىڭ ءبىرىنشى ورىنباسارى ايدىن جانتەلەەۆتى ۇستادى.

«ءتىنتۋ بارىسىندا ونىڭ شالبارىنىڭ قالتاسىنان ايرىقشا ءيىسى بار جاسىل ءتۇستى زات، ال پيدجاگىنىڭ قالتاسىنان وسىمدىك تەكتەس زات تابىلعان»، - دەپ اتاپ كورسەتتى الماتى قالاسى بويىنشا ۇقكد ءباسپاسوز حاتشىسى بولاتبەك تولەتاەۆ.

الماتى قالاسى بويىنشا ۇقكد بۇل وقيعاعا قاتىستى قر قك 259 ب. 1 ب. (ەسىرتكى زاتتارىن زاڭسىز ساتىپ الۋ جانە ساقتاۋ) بويىنشا قىلمىستىق ءىس قوزعادى.

الايدا قارجى پوليتسياسى ۇقك قىزمەتكەرلەرىنىڭ ارەكەتتەرىنىڭ نەگىزدىلىگى مەن زاڭدىلىعىنا قاتىستى كۇماندانىپ وتىر. وسىعان بايلانىستى ەكونوميكالىق قىلمىسقا جانە سىبايلاس جەمقورلىققا قارسى اگەنتتىك ىشكى تەرگەۋ جۇرگىزۋدە. قارجى پوليتسياسىنىڭ رەسمي وكىلى مۇرات جۇمانبايدىڭ ايتۋىنشا، ا. جانتەلەەۆتىڭ قىزمەتى بارىسىندا قانداي دا ءبىر ەسىرتكى پايدالاناتىنى انىقتالماعان.

12 قاراشادا قىلمىستىق ءىس تەرگەۋدى جالعاستىرۋ ءۇشىن باس پروكۋراتۋراعا بەرىلدى.