استانا. 19 قاراشا. قازتاگ – «قازاقستان رەسپۋبليكاسى – ەۋروپالىق وداق» ىنتىماقتاستىق كەڭەسى قر مەن ەو اراسىنداعى جاڭا بازالىق كەلىسىمدى جاساقتاۋ قاجەتتىگىن قولدادى. مۇنداي شەشىم بريۋسسەللدە «قازاقستان رەسپۋبليكاسى – ەۋروپالىق وداق» ىنتىماقتاستىق كەڭەسىنىڭ 11-ءشى وتىرىسى كەزىندە قابىلداندى. ول كەزدەسۋگە قازاقستاندىق دەلەگاتسيانى پرەمەر-ءمينيستردىڭ ورىنباسارى ەربول ورىنباەۆ باستاپ باردى، دەلىنگەن قر ءسىم تاراتقان حاباردا.

«وتكەن وتىرىستىڭ نەگىزگى قورىتىندىسى قازاقستان مەن ەۋرو وداق اراسىنداعى قولدانىستاعى ىنتىماقتاستىق پەن سەرىكتەستىك تۋرالى كەلىسىمدى (ىسك) قايتا قاراۋ جانە ەكىجاقتى قارىم-قاتىناستى جاڭا ساپالىق دەڭگەيگە كوتەرۋ ماقساتىندا بازالىق جاڭا كەلىسىمدى ودان ارى جاساقتاۋ كەرەكتىگى تۋرالى بىرلەسكەن مالىمدەمە قابىلداۋى بولدى»، - دەلىنگەن حاباردا. 

حاباردا كەلىسسوزدەرگە ەۋروپالىق وداقتىڭ «ۇشتىگىنىڭ» دەلەگاتسياسىن ەروپالىق وداق كەڭەسىنىڭ باس حاتشىسى – ەروپالىق وداقتىڭ جالپى سىرتقى ساياساتى جانە قاۋىپسىزدىك ساياساتى جونىندەگى جوعارعى وكىلى حاۆەر سولانا، ەۋروپالىق وداقتىڭ سىرتقى بايلانىستارى مەن ەۋروپالىق كورشىلىك ساياساتى  جونىندەگى كوميسسارى بەنيتا فەررەرو-ۆالدنەر مەن ەو-دا توراعالىقتاعى شۆەتسيانىڭ سىرتقى ىستەر مينيسترلىگىنىڭ مەملەكەتتىك حاتشىسى فرانك بەلفراگە، كەلەشەكتەگى يسپانيانىڭ ەو كەڭەسىندەگى پرەزيدەنتتىگىن وكىلدەندىرىپ وتىرعان، سىرتقى ىستەر جونىندەگى مەملەكەتتىك حاتشى انحەل لوسسادا توررەس-كۋەۆەدو باستاپ كەلگەنى ايتىلادى.

استانا. 19 قاراشا. قازتاگ – «قازاقستان رەسپۋبليكاسى – ەۋروپالىق وداق» ىنتىماقتاستىق كەڭەسى قر مەن ەو اراسىنداعى جاڭا بازالىق كەلىسىمدى جاساقتاۋ قاجەتتىگىن قولدادى. مۇنداي شەشىم بريۋسسەللدە «قازاقستان رەسپۋبليكاسى – ەۋروپالىق وداق» ىنتىماقتاستىق كەڭەسىنىڭ 11-ءشى وتىرىسى كەزىندە قابىلداندى. ول كەزدەسۋگە قازاقستاندىق دەلەگاتسيانى پرەمەر-ءمينيستردىڭ ورىنباسارى ەربول ورىنباەۆ باستاپ باردى، دەلىنگەن قر ءسىم تاراتقان حاباردا.

«وتكەن وتىرىستىڭ نەگىزگى قورىتىندىسى قازاقستان مەن ەۋرو وداق اراسىنداعى قولدانىستاعى ىنتىماقتاستىق پەن سەرىكتەستىك تۋرالى كەلىسىمدى (ىسك) قايتا قاراۋ جانە ەكىجاقتى قارىم-قاتىناستى جاڭا ساپالىق دەڭگەيگە كوتەرۋ ماقساتىندا بازالىق جاڭا كەلىسىمدى ودان ارى جاساقتاۋ كەرەكتىگى تۋرالى بىرلەسكەن مالىمدەمە قابىلداۋى بولدى»، - دەلىنگەن حاباردا. 

حاباردا كەلىسسوزدەرگە ەۋروپالىق وداقتىڭ «ۇشتىگىنىڭ» دەلەگاتسياسىن ەروپالىق وداق كەڭەسىنىڭ باس حاتشىسى – ەروپالىق وداقتىڭ جالپى سىرتقى ساياساتى جانە قاۋىپسىزدىك ساياساتى جونىندەگى جوعارعى وكىلى حاۆەر سولانا، ەۋروپالىق وداقتىڭ سىرتقى بايلانىستارى مەن ەۋروپالىق كورشىلىك ساياساتى  جونىندەگى كوميسسارى بەنيتا فەررەرو-ۆالدنەر مەن ەو-دا توراعالىقتاعى شۆەتسيانىڭ سىرتقى ىستەر مينيسترلىگىنىڭ مەملەكەتتىك حاتشىسى فرانك بەلفراگە، كەلەشەكتەگى يسپانيانىڭ ەو كەڭەسىندەگى پرەزيدەنتتىگىن وكىلدەندىرىپ وتىرعان، سىرتقى ىستەر جونىندەگى مەملەكەتتىك حاتشى انحەل لوسسادا توررەس-كۋەۆەدو باستاپ كەلگەنى ايتىلادى.

كەزدەسۋدە ەكىجاقتى جانە ايماقتىق ىنتىماقتاستىق پەن حالىقارالىق پروبلەمالار جونىندە سىندارلى سۇحبات بولدى. ءباسپاسوز قىزمەتىنىڭ حابارلاۋىنشا، ەروپالىق تاراپ ەو-نىڭ ورتالىق ازيامەن جاڭاشا سەرىكتەستىك جونىندەگى ستراتەگياسىن ىسكە اسىرۋدا قازاقستاننىڭ ەداۋىر ۇلەسىن اتاپ كورسەتتى.

قولدانىستاعى ىسك-ءنىڭ 10 جىلدىعىنا بايلانىستى تاراپتار ەكىجاقتى ساياسي ديالوگتىڭ، ونىڭ ىشىندە ادام قۇقىقتارىنا قاتىستى دا جەمىستى دامىپ وتىرعانىن، ەكىجاقتى ساۋدا كولەمى مەن ينۆەستيتسيانىڭ ايتارلىقتاي كوتەرىلگەنىن، بوستاندىق پەن قاۋىپسىزدىكتى قامتاماسىز ەتۋ، كولىك پەن ەنەرگەتيكا، قورشاعان ورتانى قورعاۋ مەن ءبىلىم بەرۋ سالاسىنداعى ىقپالداستىقتىڭ ەداۋىر نىعايىپ جانە جاندانا تۇسكەنىن اتاپ ءوتتى. «سونىمەن قاتار ەكى جاق تا ىنتىماقتاستىق پەن سەرىكتەستىك تۋرالى كەلىسىم، قازاقستان مەن ەۋرووداق اراسىنداعى وتكەن ون جىل ىشىندە دامىپ كەتكەن كەمەلدەنگەن سەرىكتەستىكتى دە، قازاقستاننىڭ ساياسي جانە ەكونوميكالىق سىرتقى ساياسات سۋبەكتىسى رەتىندەگى وسكەلەڭ ءمانىن دە تولىعىمەن قامتي المايدى دەگەن ورتاق پىكىرگە كەلدى»، - دەپ حابارلايدى ءباسپاسوز قىزمەتى. 

ىنتىماقتاستىق كەڭەسى، قول جەتكىزىلگەن كونسەنسۋس ەكى تاراپتىڭ دا ءوزارا مۇددەلەرىن ەسكەرە وتىرىپ، ىنتىماقتاستىقتىڭ ءار سالاسىندا مەيلىنشە ىقپالداسۋعا دايىندىعى مەن ۇمتىلىسىن بىلدىرەتىنىن اتاپ كورسەتتى.