كەمبريدج ۋنيۆەرسيتەتىندەگى قازاقستان ورتالىعىنىڭ سالتاناتتى اشىلۋ ءراسىمى ءوتتى
اشىلۋ راسىمىندە قازاقستان رەسپۋبليكاسىنىڭ ءبىلىم جانە عىلىم ءمينيسترى جانسەيىت تۇيمەباەۆ ءسوز سويلەدى.
ناۋرىزدىڭ 9-ى كۇنى كەمبريدج ۋنيۆەرسيتەتىندەگى قازاقستان ورتالىعىنىڭ سالتاناتتى اشىلۋ ءراسىمى ءوتتى. اشىلۋ راسىمىندە قازاقستان رەسپۋبليكاسىنىڭ ءبىلىم جانە عىلىم ءمينيسترى جانسەيىت تۇيمەباەۆ ءسوز سويلەدى. مينيستر وسى ءىس-شارانىڭ قازاقستان مەن ۇلىبريتانيانىڭ اراسىنداعى ءبىلىم جانە عىلىم سالاسىنداعى ىنتىماقتاستىقتى دامىتۋداعى ەلەۋلى وقيعا ەكەندىگىن اتاپ كورسەتتى. ىرگەتاسى 13 عاسىردا قالانعان كەمبريدج ۋنيۆەرسيتەتى - الەمدەگى ايگىلى ۋنيۆەرسيتەتتىڭ ءبىرى. مىسالى، بۇگىندە ول الەمدىك رەيتينگتە بەسىنشى ورىندا، ونىڭ 87 تۇلەگى نوبەل سىيلىعىنىڭ لاۋرەاتى.
«ەلباسى ن.ءا. نازارباەۆ ءوز جولداۋىندا قازاقستاندىق ءبىلىم الەمدىك ستاندارتتارعا ساي جانە جوعارى وقۋ ورىندار الەمنىڭ الدىڭعى قاتارلى وقۋ ورىندارى رەيتينگىسى قاتارىنا ەنۋ كەرەكتىگىن اتاپ ءوتتى، ءبىز ءوز كەزەگىمىزدە سول جۇمىستاردى جۇزەگە اسىرۋ ءۇشىن ات سالىسۋىمىز كەرەك»، - دەدى مينيستر.
ايتۋلى وقۋ ورنىندا قازاقستان ورتالىعىنىڭ اشىلۋى قازاقستان رەسپۋبليكاسى ءبىلىم جانە عىلىم مينيسترلىگى مەن كەمبريدج ۋنيۆەرسيتەتى اراسىنداعى ۋاعدالاستىقتار ناتيجەسىندە جۇزەگە استى. بۇدان بىلاي ورتالىق:
- كەمبريدج ۋنيۆەرسيتەتىندە ستۋدەنتتەر مەن پروفەسسورلىق – وقىتۋشىلىق قۇرامنىڭ قازاق ءتىلىن جانە مادەنيەتىن وقىپ ۇيرەنۋىندە كومەك كورسەتۋدى;
- كەمبريدج ۋنيۆەرسيتەتىندە قازاقستاندىق ستۋدەنتتەردىڭ ءبىلىم الۋىن ۇيلەستىرۋدى;
اشىلۋ راسىمىندە قازاقستان رەسپۋبليكاسىنىڭ ءبىلىم جانە عىلىم ءمينيسترى جانسەيىت تۇيمەباەۆ ءسوز سويلەدى.
ناۋرىزدىڭ 9-ى كۇنى كەمبريدج ۋنيۆەرسيتەتىندەگى قازاقستان ورتالىعىنىڭ سالتاناتتى اشىلۋ ءراسىمى ءوتتى. اشىلۋ راسىمىندە قازاقستان رەسپۋبليكاسىنىڭ ءبىلىم جانە عىلىم ءمينيسترى جانسەيىت تۇيمەباەۆ ءسوز سويلەدى. مينيستر وسى ءىس-شارانىڭ قازاقستان مەن ۇلىبريتانيانىڭ اراسىنداعى ءبىلىم جانە عىلىم سالاسىنداعى ىنتىماقتاستىقتى دامىتۋداعى ەلەۋلى وقيعا ەكەندىگىن اتاپ كورسەتتى. ىرگەتاسى 13 عاسىردا قالانعان كەمبريدج ۋنيۆەرسيتەتى - الەمدەگى ايگىلى ۋنيۆەرسيتەتتىڭ ءبىرى. مىسالى، بۇگىندە ول الەمدىك رەيتينگتە بەسىنشى ورىندا، ونىڭ 87 تۇلەگى نوبەل سىيلىعىنىڭ لاۋرەاتى.
«ەلباسى ن.ءا. نازارباەۆ ءوز جولداۋىندا قازاقستاندىق ءبىلىم الەمدىك ستاندارتتارعا ساي جانە جوعارى وقۋ ورىندار الەمنىڭ الدىڭعى قاتارلى وقۋ ورىندارى رەيتينگىسى قاتارىنا ەنۋ كەرەكتىگىن اتاپ ءوتتى، ءبىز ءوز كەزەگىمىزدە سول جۇمىستاردى جۇزەگە اسىرۋ ءۇشىن ات سالىسۋىمىز كەرەك»، - دەدى مينيستر.
ايتۋلى وقۋ ورنىندا قازاقستان ورتالىعىنىڭ اشىلۋى قازاقستان رەسپۋبليكاسى ءبىلىم جانە عىلىم مينيسترلىگى مەن كەمبريدج ۋنيۆەرسيتەتى اراسىنداعى ۋاعدالاستىقتار ناتيجەسىندە جۇزەگە استى. بۇدان بىلاي ورتالىق:
- كەمبريدج ۋنيۆەرسيتەتىندە ستۋدەنتتەر مەن پروفەسسورلىق – وقىتۋشىلىق قۇرامنىڭ قازاق ءتىلىن جانە مادەنيەتىن وقىپ ۇيرەنۋىندە كومەك كورسەتۋدى;
- كەمبريدج ۋنيۆەرسيتەتىندە قازاقستاندىق ستۋدەنتتەردىڭ ءبىلىم الۋىن ۇيلەستىرۋدى;
- قازاقستاندىق ءبىلىم بەرۋ ۇيىمدارى جانە عىلىمي-زەرتتەۋ ينستيتۋتتارىمەن بىرلەسىپ، وقىتۋ جانە عىلىمي-زەرتتەۋ جوبالارىنا قاتىسۋدى;
- لەكتسيالار، كونفەرەنتسيالار جانە مادەني ءىس-شارالار ۇيىمداستىرۋ ارقىلى ەكى ەل اراسىنداعى ىنتىماقتاستىقتى دامىتۋدى;
- قازاقستان رەسپۋبليكاسىنىڭ ءبىلىم بەرۋ ۇيىمدارىنا ءوز پروفەسسورلارى مەن قىزمەتكەرلەرىن جىبەرۋدى ءىس جۇزەگە اسىراتىن بولادى.
قازىرگى تاڭدا قازاقستان رەسپۋبليكاسى ءبىلىم جانە عىلىم مينيسترلىگى كەمبريدج ۋنيۆەرسيتەتىمەن بارلىق ءبىلىم دەڭگەيلەرىندە، سونىڭ ىشىندە باكالاۆريات، ماگيستراتۋرا، دوكتارانتۋرا جانە عىلىمي تاعىلىمداما بويىنشا ىنتىماقتاستىقتى دامىتۋدا.
كەمبريدج ۋنيۆەرسيتەتىنىڭ اتىنان كەمبريدج كوللەدجىنىڭ پرەزيدەنتى مايكل ميندەن، كەمبريدجدىڭ ورتالىق-ازيا فورۋمىنىڭ توراعاسى سيددحارتتا ساكسەنا، شىعىس فاكۋلتەتىنىڭ پروفەسسورى چارلز مەلۆيلل جانە ت.ب. سالتاناتتى راسىمگە قاتىسۋشىلاردى قۇتتىقتادى. ولار قازىرگى كەزدە قازاقستان رەسپۋبليكاسىمەن اراداعى ءبىلىم جانە عىلىم سالاسىنداعى ىنتىماقتاستىقتىڭ دامۋىنىڭ قاناعاتتانارلىق دەڭگەيدە ەكەنىن اتاپ ءوتتى جانە ونى ءارى قاراي دامىتۋعا قولداۋ كورسەتۋگە ءازىر ەكەنىن ءبىلدىردى.
جوعارى قوناقتار ىشىندە قازاقستان رەسپۋبليكاسىنىڭ ۇلىبريتانياداعى توتەنشە جانە وكىلەتتى ەلشىسى قايرات ابۋسەيىتوۆ تە بولدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى اشىلۋ قۇرمەتىنە ورتالىققا قازاقستاننىڭ تاريحى، مادەنيەتى، عىلىمى جانە قازاق حالقىنىڭ ءداستۇرى تۋرالى تاڭدامالى كىتاپتار كىتاپحاناسىن سىيعا تارتتى.
اشىلۋ سالتاناتىندا ءىس-شاراعا ارنايى كەلگەن قازاقستاننىڭ اتاقتى مادەنيەت قايراتكەرلەرى ونەر كورسەتتى. ولار ايگىلى قازاق كومپوزيتورلارىنىڭ شىعارمالارىن جانە حالىقتىق اۋەندەردى ورىندادى.
قر ءبىلىم جانە عىلىم مينيسترلىگىنىڭ ءباسپاسوز قىزمەتى
