استانا. 10 ءساۋىر. قازتاگ – مەملەكەت باسشىسى سۇحباتتاسىن ليسسابون شارتىنا سايكەس قۇرىلعان ەۋروپالىق كەڭەستىڭ پرەزيدەنتى قىزمەتىنە سايلانۋىمەن قۇتتىقتادى. نۇرسۇلتان نازارباەۆ ءوز سوزىندە ەۋروپا وداعىنىڭ جەتەكشى مەملەكەتتەرىنىڭ قازاقستان مودەرنيزاتسياسىنا بەلسەنە قاتىسقاندىعىن اتاپ ءوتىپ، ۆان ءرومپيويدى ەلدىڭ الەۋمەتتىك-ەكونوميكالىق دامۋ جەتىستىكتەرىمەن تانىستىردى، - دەپ حابارلايدى پرەزيدەنتتىڭ ءباسپاسوز قىزمەتى. 

«ەۋروپا وداعى قازاقستاننىڭ الەمدەگى باستى ساۋدا سەرىكتەسى بولىپ سانالادى. ءبىزدىڭ تاۋار اينالىمىمىز 2009 جىلى 28,8 ميلليارد دوللاردى قۇرادى. ەۋرووداقتىڭ ۇلەسى ءبىزدىڭ ەلدىڭ جالپى تاۋار اينالىمىندا 40 پايىزدى قۇرايدى»، – دەپ اتاپ ءوتتى مەملەكەت باسشىسى دەلىنگەن اق وردانىڭ رەسمي سايتىندا.

ەۋرووداق – قازاقستاننىڭ جەتەكشى ينۆەستيتسيالىق سەرىكتەسى. شامامەن 56 ميلليارد دوللارداي قاراجات (شەتەلدىك كاپيتالدىڭ جالپى مولشەرىنىڭ ۇشتەن بىرىنەن استامى) قازاقستان ەكونوميكاسىندا ەو مەملەكەتتەرىنىڭ ينۆەستيتسياسىنا تيەسىلى. ءوز كەزەگىندە قازاقستان ەو ەلدەرىنىڭ ەكونوميكاسىنا 10 ميلليارد دوللاردان استام ينۆەستيتسيا سالدى.
قازاقستان – ەۋروپالىق ەلدەرمەن تەحنولوگيالىق جانە يننوۆاتسيالىق ىنتىماقتاستىقتى دامىتۋدىڭ ينستيتۋتسيونالدىق نەگىزى بولىپ وتىرعان «ەۋروپاعا جول» باعدارلاماسىن قابىلداعان وڭىردەگى بىردەن-ءبىر ەل.

استانا. 10 ءساۋىر. قازتاگ – مەملەكەت باسشىسى سۇحباتتاسىن ليسسابون شارتىنا سايكەس قۇرىلعان ەۋروپالىق كەڭەستىڭ پرەزيدەنتى قىزمەتىنە سايلانۋىمەن قۇتتىقتادى. نۇرسۇلتان نازارباەۆ ءوز سوزىندە ەۋروپا وداعىنىڭ جەتەكشى مەملەكەتتەرىنىڭ قازاقستان مودەرنيزاتسياسىنا بەلسەنە قاتىسقاندىعىن اتاپ ءوتىپ، ۆان ءرومپيويدى ەلدىڭ الەۋمەتتىك-ەكونوميكالىق دامۋ جەتىستىكتەرىمەن تانىستىردى، - دەپ حابارلايدى پرەزيدەنتتىڭ ءباسپاسوز قىزمەتى. 

«ەۋروپا وداعى قازاقستاننىڭ الەمدەگى باستى ساۋدا سەرىكتەسى بولىپ سانالادى. ءبىزدىڭ تاۋار اينالىمىمىز 2009 جىلى 28,8 ميلليارد دوللاردى قۇرادى. ەۋرووداقتىڭ ۇلەسى ءبىزدىڭ ەلدىڭ جالپى تاۋار اينالىمىندا 40 پايىزدى قۇرايدى»، – دەپ اتاپ ءوتتى مەملەكەت باسشىسى دەلىنگەن اق وردانىڭ رەسمي سايتىندا.

ەۋرووداق – قازاقستاننىڭ جەتەكشى ينۆەستيتسيالىق سەرىكتەسى. شامامەن 56 ميلليارد دوللارداي قاراجات (شەتەلدىك كاپيتالدىڭ جالپى مولشەرىنىڭ ۇشتەن بىرىنەن استامى) قازاقستان ەكونوميكاسىندا ەو مەملەكەتتەرىنىڭ ينۆەستيتسياسىنا تيەسىلى. ءوز كەزەگىندە قازاقستان ەو ەلدەرىنىڭ ەكونوميكاسىنا 10 ميلليارد دوللاردان استام ينۆەستيتسيا سالدى.
قازاقستان – ەۋروپالىق ەلدەرمەن تەحنولوگيالىق جانە يننوۆاتسيالىق ىنتىماقتاستىقتى دامىتۋدىڭ ينستيتۋتسيونالدىق نەگىزى بولىپ وتىرعان «ەۋروپاعا جول» باعدارلاماسىن قابىلداعان وڭىردەگى بىردەن-ءبىر ەل.

نۇرسۇلتان نازارباەۆ ەو ءۇشىن ەلىمىزدىڭ ورتالىق ازياعا اشىلعان «قاقپا» بولۋعا دايىن ەكەنىن اتاپ ءوتتى. ەل وڭىرلىك تەحنولوگيالىق حاب قۇرۋعا جانە ونىمدەرىن رەسەي، قىتاي، ورتالىق ازيا نارىقتارىنا ەكسپورتتاۋعا باعدارلانعان وندىرىستەردى دامىتۋعا قاجەتتى بارلىق شارتتارعا، تابيعي جانە جەر رەسۋرستارىنا يە.

قازاقستان مەن ەۋروپا وداعىنىڭ اراسىندا ەنەرگەتيكالىق سالاداعى ىنتىماقتاستىقتى تەرەڭدەتۋدىڭ ءمانى زور.

«ءبىزدىڭ ەلىمىز وپەك-كە مۇشە ەلدەردەن ەۋروپاعا ەنەرگوتاسىمالداۋشىلاردى جەتكىزەتىن ءۇشىنشى ءىرى ەل سانالادى. ەو-نىڭ بىرقاتارىندا قازاقستاندىق مۇنايدىڭ ۇلەسى ەداۋىر مول. ماسەلەن، رۋمىنيادا ول – 30 %-دى، اۆستريادا 25 %-دى قۇراسا، شۆەيتساريادا ءبىز 2-ءشى ورىن الامىز. تۇتاستاي العاندا، قازاقستان ەو-عا شىعارىلاتىن ەنەرگوتاسىمالداۋشىلار يمپورتىنىڭ جالپى مولشەرىنىڭ 20 %-ىنا دەيىن قامتاماسىز ەتەدى، – دەدى نۇرسۇلتان نازارباەۆ.

قازاقستان ەو-مەن ارادا جەتىلگەن سەرىكتەستىك تۋرالى جاڭا كەلىسىم جاساۋ جونىندەگى كەلىسسوزدەردىڭ باستالۋىنا مۇددەلى جانە ەۋروپالىق كوميسسيا تاياۋ بولاشاقتا ونى وتكىزۋگە ەو-نىڭ بارلىق ەلدەرىنەن ماندات الادى دەپ كۇتەدى.

ەقىۇ توراعاسى رەتىندە قازاقستان «كورفۋ ۇدەرىسى» شەڭبەرىندە ەۋروپالىق قاۋىپسىزدىك بويىنشا سۇحبات فورماتىنىڭ جالعاسىن تابۋىنا ىقپال ەتەتىن بولادى. مەملەكەت باسشىسى قۇرلىق قاۋىپسىزدىگىنىڭ جاڭا ارحيتەكتۋراسىن قۇراۋ تاراپىنداعى جۇمىستاردىڭ ماڭىزىنا ايرىقشا توقتالدى. سونىمەن قاتار اۋعانىستانداعى احۋالدى تۇراقتاندىرۋ باعىتىندا بىرلەسكەن كۇش-جىگەردى ارتتىرا ءتۇسۋدىڭ ماڭىزى ۇلكەن.

نۇرسۇلتان نازارباەۆ حەندريك ۆان رومپيويگە اعىمداعى جىلدىڭ قازان ايىندا ەۋروپا وداعىنىڭ شتاب-پاتەرىنە رەسمي ساپارمەن كەلىپ قايتۋعا شاقىرعانى ءۇشىن العىسىن ايتتى. ول بريۋسسەلگە جاسالاتىن ساپاردىڭ قازاقستان مەن ەو اراسىنداعى قارىم-قاتىناستاردا جاڭا ءبىر پاراق اشارىنا سەنىمىن ءبىلدىردى.

ءوز كەزەگىندە مەملەكەت باسشىسى ەۋروپالىق كەڭەستىڭ پرەزيدەنتىن وعان قولايلى ۋاقىتتا قازاقستان رەسپۋبليكاسىنا رەسمي ساپارمەن كەلىپ قايتۋعا شاقىردى. ۇسىنىس ريزاشىلىقپەن قابىلداندى، دەپ حابارلايدى پرەزيدەنت ءباسپاسوز قىزمەتى.