پاۆلودار قالاسى ءماسليحاتىنىڭ دەپۋتاتى ميرحات سەركىباەۆ: «قانىش ساتباەۆقا ەسكەرتكىش تۇرعىزعانشا... ءۇيىندى سالۋ كەرەك ەدى»، - دەدى جەرگىلىكتى «يربيس» تەلەارناسىنا سۇحبات بەرە وتىرىپ.

قازاق حالقىنىڭ الەمدىك دەڭگەيدەگى ايگىلى عالىمى،  قازاق كسر عىلىم اكادەمياسىنىڭ تۇڭعىش پرەزيدەنتى  قانىش يمانتايۇلى ساتباەۆتىڭ (1999-1964)  90 جىلدىق، 100 جىلدىق مەرەيتويلارى قارساڭىندا ونىڭ ەسىمىن پاۆلوداردىڭ ورتالىق كوشەسىنە بەرۋگە  قالالىق ءماسليحاتتىڭ سول كەزدەگى دەپۋتاتتارى قارسى بولعان ەدى. ولاردىڭ ۇستانىمىن سول كەزدە وبلىستىق تاۋەلسىز ءورىستىلدى بۇقارالىق اقپارات قۇرالدارىنىڭ قولداپ شىعا كەلگەنى دە ەستە. اقىرى، 2001 جىلى قىزىل كوميسسار دزەرجينسكي اتىنداعى كوشەنى اكادەميك ساتباەۆتىڭ اتىنا اۋىستىرۋدىڭ ءساتى ءتۇستى.

پاۆلودار قالاسى ءماسليحاتىنىڭ دەپۋتاتى ميرحات سەركىباەۆ: «قانىش ساتباەۆقا ەسكەرتكىش تۇرعىزعانشا... ءۇيىندى سالۋ كەرەك ەدى»، - دەدى جەرگىلىكتى «يربيس» تەلەارناسىنا سۇحبات بەرە وتىرىپ.

قازاق حالقىنىڭ الەمدىك دەڭگەيدەگى ايگىلى عالىمى،  قازاق كسر عىلىم اكادەمياسىنىڭ تۇڭعىش پرەزيدەنتى  قانىش يمانتايۇلى ساتباەۆتىڭ (1999-1964)  90 جىلدىق، 100 جىلدىق مەرەيتويلارى قارساڭىندا ونىڭ ەسىمىن پاۆلوداردىڭ ورتالىق كوشەسىنە بەرۋگە  قالالىق ءماسليحاتتىڭ سول كەزدەگى دەپۋتاتتارى قارسى بولعان ەدى. ولاردىڭ ۇستانىمىن سول كەزدە وبلىستىق تاۋەلسىز ءورىستىلدى بۇقارالىق اقپارات قۇرالدارىنىڭ قولداپ شىعا كەلگەنى دە ەستە. اقىرى، 2001 جىلى قىزىل كوميسسار دزەرجينسكي اتىنداعى كوشەنى اكادەميك ساتباەۆتىڭ اتىنا اۋىستىرۋدىڭ ءساتى ءتۇستى.

ەندى، جۋىردا، عۇلامانىڭ تۋعان كۇنى - 12 ساۋىردە سول ساتباەۆ كوشەسىنىڭ بويىندا ونىڭ ەسكەرتكىش ءمۇسىنى اشىلدى (سۋرەتتە). ەرتىستىڭ كەرەكۋ-باياناۋىل حالقىنىڭ وتانشىلدىق، مەملەكەتشىلدىك، ۇلتتىق ماقتانىش سەزىمدەرىن وياتقان اسا ماڭىزدى مادەني شارادا  قر پارلامەنت دەپۋتاتتارى: قۋانىش سۇلتانوۆ،  كەنجەعالي ساعاديەۆ، قر ءبىلىم جانە عىلىم ۆيتسە-ءمينيسترى ايدار جاقىپوۆ، اكادەميكتەر: مۇرات جۇرىنوۆ، جابايحان ءابدىلدين،  عاريفوللا ەسىم، عينايات بەكجانوۆ،  زايروللا دۇيسەنبەكوۆ،  عىلىم دوكتورلارى: مىرزاتاي جولداسبەكوۆ، گەروي جولتاەۆ، ەركەش باتىربەكوۆ، جازۋشىلار: كاكىمبەك سالىقوۆ، مەدەۋ سارسەكە،  ق. ساتباەۆتىڭ ۇرپاعى: الىشەر ساتباەۆ جانە وزگەلەر ءسوز سويلەپ، وسىنداي عاجاپ ەسكەرتكىش ورناتقان جەرگىلىكتى لاۋازىمدى ازاماتتارعا ريزاشىلىق سەزىمىن  ءبىلدىردى.

بىراق  توي تارقاماي جاتىپ  پاۆلودار قالاسى ءماسليحاتىنىڭ دەپۋتاتى ميرحات سەرىكباەۆ جەرگىلىكتى «يربيس» تەلەارناسىنا سۇحبات بەرىپ، مەملەكەتتىك شەنەۋنىكتەر ەسكەرتكىش ورناتقاننان گورى قالا ىرگەسىندەگى جاڭااۋىل ەلدىمەكەنىندە قوقىس توگەتىن ءۇيىندى سالعانى دۇرىس ەدى دەگەن ويىن بەتى بۇلك ەتپەستەن ايتىپ سالدى. انگليانىڭ پرەزيدەنتى ۋ. چەرچيل ءوزىنىڭ ەڭسەگەي بويىنا تاڭىرقاعاندا، «مەنىڭ حالقىم مەنەن دە بيىك» دەپ جاۋاپ قايتارعان قازاقتىڭ اسىلزادا ازاماتى قانىش ساتباەۆتىڭ تۋعان ولكەسىندەگى حالىق قالاۋلىسى ونىڭ ءمۇسىنىنىڭ تۇبىندە   تۇرىپ قوقىس ءۇيىندىسىن ءسوز قىلادى دەپ كىم ويلاپتى؟..

الدىندا، ميرحاتتىڭ ۇلتى قازاق ەكەنىن جانە ءورىستىلدى بولسا دا، ەپتەپ قازاقشا سويلەي الاتىنىن ەسكەرىپ، ونى «الاش» باعىتى  مەن «Alash» ۇرانىن  ۇستانعان «بولاشاق» رەسپۋبليكالىق قوزعالىسى پاۆلودار وبلىستىق فيليالىنىڭ توراعالىعىنا، سوسىن  بەلگىلى ۇلت قايراتكەرى مۇحتار شاحانوۆتىڭ جەتەكشىلىگىمەن قۇرىلعان، تەك تىركەلمەگەن قازاقستاننىڭ ۇلت پاتريوتتارى «حالىق رۋحى» پارتياسى وبلىستىق فيليالىنىڭ تەڭ توراعالىعىنا «يتەرىپ»، كەيىن قالالىق ءماسليحاتتىڭ دەپۋتاتتىعىنا وتۋىنە قولداۋ كورسەتكەن جەرگىلىكتى بيلىك ەمەس پە ەدى؟.. سويتكەن، دەپۋتات ميرحات سەرىكباەۆتىڭ جەرگىلىكتى بيلىكتىڭ  اكادەميك ساتباەۆتى ۇلىقتاعان ىسىنە قارسى سويلەگەنى نەسى ەكەن؟..

ارمان قاني،

پاۆلودار قالاسى.