... اباي اتامىزعا كەلسەك، قازاقتىڭ ۇلى اقىنىنىڭ ءسىز كەلتىرگەن جانە، وكىنىشكە وراي، كەيبىرەۋلەردىڭ كەيدە ءويستىپ وڭدى-سولدى مۇلدە ورىنسىز قولدانىپ جۇرگەن دانالىق ءسوزىنىڭ شىنايى ماعىناسى: «قازاق بولعانى ءۇشىن عانا كىسى ءولتىرۋشى قىلمىسكەردى دە، ۇرىنى دا، قارىنى دا، وپاسىزدى دا، ساتقىندى دا، وتىرىكشىنى دە، جالاقوردى دا، ساياسي الاياقتى دا، بيلىكتىڭ قۇيىرشىعىن دا جانە باسقا كەرى كەتكەندەردى دە دوس كور»، – ەمەس، مەنىڭ ۇعىمىمدا بۇل: «دوس بولۋعا لايىق قازاقتى دوس كور»، – دەگەن ءسوز. ويتكەنى ول كىسىنىڭ ءوزى دە حالىققا تىزەسى باتقان، ەل توناعان، كوپشىلىككە قيانات، زورلىق جاساعان، زاڭسىز ءىس-ارەكەتتەرگە بارعان زامانداس قازاقتارمەن دوس بولا الماي، كەرىسىنشە، ولارمەن ءومىر بويى ارپالىسىپ وتكەنى تاريحتان بەلگىلى. اباي شىعارمالارىن وي ەلەگىنەن وتكىزىپ، ساناڭىزعا ءسىڭىرىپ، مۇقيات وقىپ شىقساڭىز، وسىعان كوزىڭىز جەتپەۋى مۇمكىن ەمەس...

جاسارال قۋانىشاليننىڭ ينتەرەنت-كوفەرەنتسيادا وقىرمان ساۋالىنا بەرگەن جاۋابى http://abai.kz/conference/view?id=8

Abai.kz