«ەلباسىنىڭ اتىنا استانا قالاسىنداعى №2 مەكتەپ-گيمنازيا وقۋشىسى الەكساندر ۆليزكودان حات كەلدى» - دەپ جازدى Tengrinews.kz. ميلليونداعان بالانىڭ اتىنان پرەزيدەنتكە العىس ايتقان حات قازاق تىلىندە جازىلعان.   6- سىنىپ وقۋشىسى جازعان حات مازمۇنىندا ەلباسىعا ەلوردانى استاناعا كوشىرگەنى ءۇشىن العىسىن ءبىلدىرىلىپ، سونىڭ ارقاسىندا كوپتەگەن وقۋ ورىندارى اشىلعانىن، وندا ءتۇرلى ۇلتتاردىڭ وكىلدەرى وقيتىنى جەتكىزىلگەن.

"راس، مەنىڭ تەگىم ءسال باسقا. مەن ۋكراين ۇلتىنىڭ وكىلىمىن. بىراق مەن ءوزىمدى بالا كۇنىمنەن قازاقپىن دەپ سەزىنەمىن. قازاقپىن دەپ ەسەپتەيمىن. سەبەبى مەن بىرلىگى مەن تاتۋلىعى، دوستىعى مەن تۋىستىعى جاراسقان قازاقستاندا ءوسىپ كەلەمىن. بۇل جەر – مەنىڭ اكەمنىڭ كىندىك قانى تامعان مەكەن. بۇل جەر – مەنىڭ انامنىڭ ومىرگە كەلگەن قونىسى. مەنىڭ سۇيەگىم دە، ەتىم دە - قازاق. مەن قازاق جەرىندە تۋعانىمدى ماقتانىش ەتەمىن - دەپتى الەكساندر حاتىندا.  سونداي-اق وقۋشى قازاقستاننىڭ بولاشاعىنا سەنەتىنىن، وسى ەل ءۇشىن قىزمەت ەتۋگە دايىن ەكەنىن دە ايتقان.

اباي-اقپارات