سەيسەنبى, 25 اقپان 2020
جاڭالىقتار 4280 0 پىكىر 30 ءساۋىر, 2014 ساعات 10:34

وزەندى ۋلاپ، 700 تەڭگەمەن قۇتىلعان

وزەندى لاستاعان شوشقا فيرماسىنا كۇلكىلى ايىپپۇل سالىندى دەپ حابارلايدى Baq.kz. اقتوبە وبلىسى، بايباقتى وزەنىندەگى بالىقتار ۋلانۋ سەبەبىنەن قىرىلعان. ەكولوگتاردىڭ تەكسەرۋى بويىنشا وزەننىڭ لاستانۋىنا وزەن بويىنداعى شوشقا فيرماسىنىڭ ارەكەتى سەبەپ بولعان. شوشقا فيرماسى ءناجىس قالدىقتارىن وزەنگە توككەندىكتەن، سۋ قۇرامىنداعى اممياكتىڭ مولشەرى 700 ەسە ارتىپ كەتىپ، وزەندەگى بالىقتار قىرىلىپ قالعان. سونداي-اق سۋ قۇرامىنداعى قاتەرلى باكتەريالار مىڭ ەسە ارتىپ كەتكەن. دەگەنمەن جەرگىلىكتى اۋىل تۇرعىندارى ەكولوگيالىق ينسپەكتورلارعا نارازى. ولار دەر كەزىندە كەلىپ تەكسەرۋ جۇرگىزبەگەن، وزەن بويىنان تەك 2 كگ ۋلانعان بالىق تاۋىپ، قاجەتتى باقىلاۋ جاساي الماعان. بالىقتىڭ قىرىلۋىنا تۇرتكى بولعان شوشقا فەرماسىن تەكسەرۋگە قۇزىرلى ورگاندار دا قاۋقارسىز ەكەن. ويتكەنى قازىر مۇنداي كاسىپكەرلىك نىسانداردى تەكسەرۋگە جىل سوڭىنا دەيىن ماراتوري جاريالانعان كورىنەدى.   ال بالىق ينسپەكتسياسىنداعىلار شوشقا فيرماسىنىڭ بالىق شارۋاشىلىعىنا كەلتىرگەن زالالى ءۇشىن نە بارى 733 تەڭگە ايىپپۇل سالعان.

اباي-اقپارات

0 پىكىر