استانادا زاعيپ جانە كورۋ قابىلەتى ناشار بالالارعا قىزمەت كورسەتۋگە بەيىمدەلگەن العاشقى پسيحولوگيالىق-پەداگوگيكالىق تۇزەتۋ ورتالىعى اشىلدى. ورتالىق №71 مەكتەپ-گيمنازياسىنىڭ عيماراتىندا ورنالاسقان. استانا قالاسىنىڭ اكىمشىلىگى 450 شارشى مەترلىك  اۋماقتى ءبولىپ، ورتالىقتا جۇمىس ىستەيتىن مامانداردىڭ ايلىق جالاقىسىن تولەۋدى مىندەتىنە الدى. «دارا» قورى ءوز كەزەگىندە بولمەلەرگە جوندەۋ جۇرگىزىپ، ارنايى قوندىرعىلار، وقۋ قۇرالدارىمەن جابدىقتادى. ورتالىقتا ەمدەۋ-دەنە شىنىقتىرۋ زالى، مونتەسسوري كابينەتى، ادىستەمەلىك كىتاپحانا بار.

تۇزەتۋ ورتالىعى اي سايىن 50-گە تارتا مۇمكىندىگى شەكتەۋلى بالالارعا كومەك كورسەتەدى. ءبىرىنشى كەزەكتە – زاعيپ بالالار قامتىلادى. ولارعا تيفلوپەداگوگ، لوگوپەد، دەفەكتولوگ، پسيحولوگ، حورەوگراف، شىنىقتىرۋ ماماندارى مەملەكەتتىك كۆوتا ارقىلى تەگىن قىزمەت كورسەتەدى. ماماندار بالالاردىڭ تۇرمىستىق –الەۋمەتتىك داعدىلارىن قالىپتاستىرۋعا كومەكتەسىپ قانا قويماي،   ولاردى بالاباقشا، مەكتەپكە دايارلايدى. ورتالىقتىڭ پەداگوگتارى «دارا» قورى «سامۇرىق» ۇلتتىق ءال-اۋقات قورىنىڭ قولداۋىمەن ۇيىمداستىرعان ترەنينگتەرگە قاتىسىپ، بىلىكتىلىگىن ارتتىردى. ترەنينگكە جاتتىقتىرۋشى رەتىندە يتالياداعى پسيحولوگيا جانە پسيحوموتوريكا ينستيتۋتىنىڭ ديرەكتورى فرانكو باسكايني، رەسەيدىڭ بەلدى تيفلوپەداگوگى ۆەنەرا دەنيسكينا شاقىرىلعان.

مامانداردىڭ ايتۋىنشا، زاعيپ بالالاردىڭ باسىم كوپشىلىگى  ينتەلەكتى دۇرىس بولىپ تۋادى. الايدا ادام بۇكىل اقپاراتتىڭ 90 پايىزدان استامىن كوز ارقىلى قابىلدايتىندىقتان، ۋاقىت وتە بالانىڭ دامۋى تەجەلە باستايدى. اتا-انالار ارنايى ءبىلىمى بولماعاندىقتان، ءوز كۇشىمەن بۇل ماسەلەنى شەشە المايدى. سوندىقتان دا زاعيپ بالالار قاتارلارىمەن بىردەي دامۋى ءۇشىن بىلىكتى مامانداردىڭ ۋاقىت جوعالتپاي، ەرتە ارالاسۋى وتە ماڭىزدى.

 وسى ۋاقىتقا دەيىن استانادا كورۋ قابىلەتىنەن ايرىلعان بالالارعا بىلىكتى كومەك كورسەتەتىن  مەكەمە بولعان جوق. 0-7 جاس ارالىعىنداعى زاعيپ بالالارعا تۇرعىلىقتى جەرى بويىنشا الەۋمەتتىك-مەديتسينالىق-پەداگوگيكالىق كومەك ۇيىمداستىرىلماعان.  جاعداي بيىل عانا وزگەرە باستادى.

قالا تۇرعىنى گۇلجاھان يمانقۇلوۆا سانجار مەن سايدۋللا ەسىمدى ەگىزدەردىڭ اناسى:

- ء بىز ءۇشىن ورتالىقتىڭ اشىلۋى كوپتەن كۇتكەن وقيعا بولدى. مەنىڭ ەگىزدەرىم ءتورت جاستا. ەكەۋى دە دىمكاس بولىپ تۋىلدى.  سايدۋللا مۇلدە كورمەيدى. ول بيىلدان باستاپ ارنايى بالاباقشاعا باراتىن بولدى.  سانجار دا سال بولىپ تۋىلدى، كورۋ قابىلەتى دە وتە ناشار. ءبىز اۋرۋحانالاردا ءجيى ەمدەلەمىز. بىراق بالانىڭ اقىل-ويىنىڭ دامۋى ءۇشىن بۇل جەتكىلىكسىز. بۇل ورتالىق اشىلعانى وتە ورىندى بولدى. مۇندا ماماندار بالالاردى كوپ نارسەگە ۇيرەتەدى. بىرنەشە كۇننەن بەرى كەلىپ ءجۇرمىز. سانجارعا ءبارى دە قاتتى ۇنايدى – مونتەسسوري بولمەسى دە، بالالارمەن ارالاسىپ، ويناعانى، پەداگوگتاردىڭ جىلى قارسى العانى. ورتالىقتى اشقان ازاماتتارعا، وسىندا جۇمىس ىستەپ جاتقان ماماندارعا العىسىمىزدى بىلدىرگىم كەلەدى.

  وكىنىشكە قاراي، بۇل ورتالىق مۇمكىندىگى شەكتەۋلى بالالاردىڭ بارلىعىن كومەكپەن قامتي المايدى. سوندىقتان اتا-انالار بولاشاقتا مۇمكىندىگى شەكتەۋلى بالالارعا ارنالعان مەديتسينالىق-الەۋمەتتىك كومەك جۇيەسى جەتىلە تۇسسە دەگەن تىلەكتە.

 جوبا «دارا» قورى مەن استانا قالالىق ءبىلىم باسقارماسىنىڭ قاتىسۋىمەن، سپونسورلار مەن ارىپتەستەردىڭ قولداۋىمەن جۇزەگە استى.

ءباسپاسوز وكىلدەرىن ورتالىقتىڭ اشىلۋ سالتاناتىنا شاقىرامىز. باستالۋى 16 قىركۇيەك 11-00.

مەكەن جايى: «جاعالاۋ» اۋدانى، 200 كوشە، 4 ءۇي، №71 مەكتەپ-گيمنازيا

-----------------------------------------------------------------------------------------------------------

«دارا» جەكە قورى مۇمكىندىگى شەكتەۋلى بالالارعا، اتا-اناسىنىڭ قامقورلىعىنان ايرىلعان جەتكىنشەكتەرگە، مەديتسينالىق جانە ءبىلىم بەرۋ مەكەمەلەرىنە قولداۋ كورسەتەدى. قور جوبالارى قولداۋعا مۇقتاج توپتاردىڭ بالالارىنا، ولاردى الەۋمەتتىك ومىرگە بەيىمدەۋگە جانە وڭالتۋعا باعىتتالعان. قوردىڭ استانا، الماتى، بۋرابايدا فيليالدارى بار.

استانا ق، قوناەۆ د-ى، 12/2, 156 وفيس. تەل +7 (7172) 75 52 63 astana@dara.kz ۆەب -سايت www.dara.kz