ماسكەۋ قالاسىنداعى ارحيۆتەرگە ءىسساپاردىڭ ناتيجەسىندە شاكارىم قۇدايبەردىۇلىنىڭ قۇس ۇستاپ تۇسكەن فوتوسۋرەتىنىڭ تۇپنۇسقاسى جانە اقىننىڭ باپتاعان قۇسىنىڭ فوتوسۋرەتى، شاقپاقتاستاعى شاكارىم اۋىلىنىڭ جالپى كورىنىسى، سول اۋىلدا تۇسىرىلگەن قازاق حالقىنىڭ سالت-داستۇرىنە قاتىستى كوپتەگەن بۇرىن بەلگىسىز، جاريالانباعان فوتوسۋرەتتەر تابىلدى.

سونىمەن قاتار، قازاق حالقىنىڭ تۇرمىسىن، ادەت-عۇرىپتارىن زەرتتەۋشى ف.فيەلسترۋپتىڭ شاكارىم قۇدايبەردىۇلىمەن كەزدەسۋى تۋرالى جازبالار، شاكارىمنىڭ زەرتتەۋشىگە قۇسبەگىلىك جانە قازاق حالقىنىڭ ءسۇت ونىمدەرى جايلى بەرگەن دەرەكتەرى تۋرالى جازبالارى تابىلدى.

بۇل فوتوسۋرەتتەر مەن جازبالار شاكارىم قۇدايبەردىۇلىنىڭ ومىرىنە جانە شىڭعىستاۋ ءوڭىرىنىڭ تاريحىنا قاتىستى وتە قۇندى تىڭ دەرەكتەر.

م.قايرامباەۆا

اباي مۇراجايى ديرەكتورىنىڭ عىلىمي

 جۇمىستار جونىندەگى ورىنباسارى

اباي-اقپارات