بالاسى بىرەۋمەن شەكىسىپ قالسا قازاق ء"وي، قورقاسىڭ با؟ تۇمسىعىن بۇز!"دەيدى، ەۆرەي:"بالام، نادانمەن نادان بولما، ءوزىڭدى ولاردان بيىك ۇستا"
قازاق بالالارى اتاسىنىڭ، اجەسىنىڭ، اكەسىنىڭ، ماماسىنىڭ بالاسى بولىپ "جىكتەلەدى". سول مارتەبەگە وراي ولارعا ءسوز ءوتۋى قيىن. اسىرەسە اتاسى مەن اجەسىنىڭ بالاسىنا باسقالاردىڭ ءامىرى جۇرمەيدى. 
ەۆرەيلەردە مۇنداي شولجاڭدىق جوق. بالا ءۇشىن اكە-شەشەنىڭ ءسوزى - زاڭ. وسى ايدا مىنا كىتاپتى وقيسىڭ دەي مە-وقىلادى، وسىنشا ەسەپ شىعاراسىڭ دەي مە-شىعارىلادى. 
"سەنىڭ اتاڭ باتىر بولعانعا" ارقالانعان قازاق بالاسى سپورتزالدا قارسىلاسىن تومپەشتەپ، الىسىپ-جۇلىسىپ جاتقاندا ەۆرەي بالاسى ءبىر بولمەدە سكريپكاسىن شيقىلداتىپ، نەمەسە، شاحمات ويناپ وتىرادى... 
قازاق 16 جاسقا تولعان بالاسىنىڭ ءوزىن ەركەلەتىپ، اينالىپ-تولعانىپ وتىرادى. 
ەۆرەي بالاسى 16 تولىپ، قولىنا تولقۇجات العاننان كەيىن "مەن ۇلى وتانىمدى، حالقىمدى ەشقاشان جەرگە قاراتپايمىن!" دەپ سالتاناتتى جيىندا قانداستارىنىڭ كوزىنشە انت بەرەدى... سوسىن مۇسا پايعامبار زامانىندا جويتتەردىڭ ازىعى بولدى دەلىنىپ جۇرگەن قالىڭدىعى قاعازداي جۇگەرى نانىنان اۋىز تيەدى... جانە ءبارى قىزداي سىزىلىپ تۇرادى. 
سوندا دەيمىن دە ولار وسكەن كەزدە نەگە ولەرمەن بولىپ، وتانشىلدىق جاعىنان باتىرلاردىڭ ۇرپاقتارىن وزىپ كەتەدى؟!

(سەرىك ابىكەننىڭ فەيسبۋكتەگى پاراقشاسىنان)