جۇما, 29 ناۋرىز 2024
46 - ءسوز 4733 0 پىكىر 15 قىركۇيەك, 2014 ساعات 17:28

قاراعاندىنىڭ "قازاقىلىعى"

قاراعاندى قالاسىندا "بەلورۋسسكايا", "لەنينا", "جاۋىنگەر ينتەرنوتسيوليستەر", ءتىپتى "بەنزيننايا" دەگەن كوشە بار. بىراق ەندى سولاي ەكەن دەپ قاراعاندىنى جاقسى كورمەۋىمىز كەرەك پە؟ ءبىر كىسىدەي-اق قازاقپىن دەپ جۇرگەن ءبىر باۋىرىم "ماعان قوستاناي مەن پەتروپاۆل ۇناعان جوق" دەيدى بىردە. ءاي، باۋىرىم-اي، ۇناعان جوق دەگەن ءسوزدىڭ ءار جاعىندا وسى جەر بىزگە كەرەك ەمەس دەگەن وي جاتقان جوق پا؟ قوستاناي مەن پەتروپاۆلدى بىلمەيمىن، قاراعاندىدا قازاقتاردىڭ ۇلەس سالماعى 50 پايىزدان ەندى اسىپتى. ءوزىڭىز ويلاپ كورىڭىز. قۇداي بۇيىرتسا، جەتپىس بەس پايىزعا جەتكەندە بايتۇرسىنۇلى، مومىشۇلى، رىسقۇلبەكوۆ دەگەن كوشەلەر بولماسا، وندا رەنجۋگە بولادى. 
قازىر دە رەنجۋگە بولادى. بىراق قاراعاندىعا ەمەس، قاراعاندىنىڭ زيالىسىنا. تەك قانا قاسىم مەن الىمحانعا عانا كوشە سۇراماي، بارلىق الاشتىڭ اياۋلى ۇلدارىنا كوشە سۇراپ، مازالارىن الىپ، قويماي قويسا عوي، بىرەۋ-ەكەۋى ەمەس، ءبارى سولاي ىستەسە. بەنزيننايا مەن بەلورۋسسكايا ءۇشىن اكىمشىلىكتەگىلەر قاشانعى جۇيكە جۇقارتادى؟ بىراق بۇل ماسەلە دە قازىرگىدەي قاعازباستى زاماندا ۋاقىت وتكەن سايىن قيىنداي بەرەتىن شىعار...
پريشاحتينسك ءالىمحان قالاشىعى، شاحتينسك ءاليحان قالاشىعى، فەدوروۆكا احمەت قالاشىعى، ميحايلوۆكا مىرجاقىپ قالاشىعى بوپ وزگەرتىلسە شىركى، ءا؟ مىسالعا عوي ەندى...
بۇل ەندى كوپتەن بەرى ايتقىم كەپ جۇرگەن وي ەدى. ەندى مىنا سۋرەتتەگى عيماراتقا كەلەيىك. بۇل - زاۋىت. ۇستىندەگى جازۋدى كوردىڭىزدەر - قازاقشا. 200-300 مەتر جەردەن ەركىن وقىلاتىن جازۋ تەك قازاقشا جازىلعان. بەر جاعىندا دا، ءار جاعىندا دا ورىسشاسى جوق. تەك قازاقشا. كەڭسە عيماراتىنا كىرسەڭىز دە سولاي، "كادرلار ءبولىمى", "جيىن زالى", "ساۋدا جونىندەگى ورىنباسار", وسىلاي كەتە بەرەدى. ەكى تىلدە نەمەسە تەك ورىس تىلىندە وقىپ ۇيرەنىپ قالعان ءبىز ءۇشىن تەك قازاقشا وقۋ ءبىرتۇرلى، شىنىن ايتقاندا. بىراق تەك دۇنيەنىڭ سوڭىنا ءتۇسىپ كەتپەي، رۋحاني دۇنيەلەرگە ءمان بەرىپ، ءوزىنىڭ قازاق ەكەنىن ۇمىتپاي، ول از دەسەڭىز قازاقتاردىڭ جاعدايىنا كۇيىنىپ، تاۋسىلىپ جۇرەتىن ازامات وسىنى ىستەپ قويعان، مىنەكەي. بۇل - بەر جاعى. ءار جاعىن ايتسام، ۇزاققا كەتەم...
قازىر وسى جەردە ءجۇرمىن، قىسقاسى. ويعا العان جۇمىستاردىڭ ءبىرازىن وسىندا ءجۇرىپ ىستەسەم بە دەگەن وي بار، بۇيىرعانىنا قاراي كورەمىز ەندى.
P.S. ۇلكەن قالادا تۇراتىن ادام كۇنىنە 3000 جارنامانىڭ "قۇربانى" بولادى ەكەن. بۇگىن سول 3000-نىڭ بىرەۋى مەنىڭ وسى سۋرەتىم بولاتىن شىعار، بىراق بۇل تەك جارناما ەمەس، ارينە. ءبىر جاعى قازاقشا جازۋعا سۇيسىنگەنىم، ءبىر جاعى وسىندا جۇرگەنىمدى ايتىپ قويايىن دەپ.

(ارمان المامبەتتىڭ فەيسبۋكتەگى پاراقشاسىنان)

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584