ۋكراينا پرەزيدەنتى پەتر پوروشەنكو ۋكراينانىڭ جوعارعى راداسىن تاراتتى. پوروشەنكو ءوزىنىڭ مالىمدەمەسىندە بىلاي دەيدى: «بۇل دەپۋتاتتاردىڭ كوبى ديكتاتورلىق زاڭ قابىلداپ، سونىڭ كەسىرىنەن جۇزدەگەن ادام مەرت بولدى. وسى ءۇشىن قىلمىستىق ءارى ساياسي جازاعا تارتىلۋى ءتيىس. رادا دا ۇزاق ۋاقىت وتىرىپ قالعان كوپتەگەن دەپۋتاتتار سەپاراتيستتەردىڭ تىكەلەي دەمەۋشىسى ءارى ولارمەن ىم-جىمى ءبىر بولماسا دا، سەپاراتيستتەردى قولداۋشىلار. "دنر" ي "لنر" تەرروريستىك ۇيىم رەتىندە مويىنداۋ تۋرالى حابارعا دا 232 داۋىس ارەڭ جينالدى».

الدىن الا جۇرگىزىلگەن الەۋمەتتىك ساۋالناماعا سايكەس، ۋكراينا پرەزيدەنتىنىڭ شەشىمىن  ۋكراينا حالقىنىڭ 80 پايىزى قولداعان. پوروشەنكو ءوز سوزىندە جوعارعى رادا سايلاۋى اشىق ءارى دەموكراتيا تالاپتارى ساي وتكىزىلەدى دەپ اتاپ كورسەتكەن.

مينسك

بۇگىن رەسەي، قازاقستان، ۋكراينا جانە بەلورۋس ەلدەرىنىڭ باسشىلارى مينسكىدە كەزدەسۋ وتكىزىپ جاتىر. كەزدەسۋ بارىسىندا قازاقستان پرەزيدەنتى ن.نازارباەۆ پەن ۋكراينا پرەزيدەنتى پ.پوروشەنكو ءوزارا جولىعىپ، سويلەستى. قازاقستان پرەزيدەنتى اڭگىمە بارىسىندا مينسكىدەگى كەزدەسۋدە پۋتين مەن پوروشەنكو كوزبە-كوز سويلەسىپ، ۋكراينا ماسەلەسىەن شەشۋلەرى كەرەكتىگىن ايتقان.

ازىرگە مينسك كەزدەسۋىنىڭ قالاي اياقتالاتىنى بەلگىسىز.

Abai.kz