«استانا» شەكارالىق باقىلاۋ وتريادىنىڭ باقىلاۋشىلارى جالعان قۇجات كورسەتكەن 15 جاستاعى اۋعانستان ەلىنىڭ ازاماتىن ۇستاعان. بۇل تۋرالى قازاقپارات قر ۇقك شەكارا قىزمەتىنىڭ ءباسپاسوز قىزمەتىنە سىلتەمە جاساپ حابارلادى.

«بىشكەك - استانا» باعىتىنداعى كس 152 حالىقارالىق اۋە رەيسىن راسىمدەۋ كەزىندە 1994 جىلى تۋىلعان دانيا ازاماتىنىڭ اتىنا بەرىلگەن جالعان قۇجات انىقتالعان. كۇدىكتى جولاۋشى قازاقستان ارقىلى ترانزيتپەن ۇشىپ بارا جاتقان. ونىڭ ايتۋىنشا، كابۋل قالاسىنان بىشكەككە ۇشىپ كەلىپتى، ودان استاناعا كەلىپ، بۇدان ءارى لوندونعا، گاننوۆەرگە ۇشۋدى جوسپارلاعان. تەكسەرە كەلگەندە، جولاۋشىنىڭ قولىندا ترانزيتتىك بيلەتى مەن ۇشاققا وتىرعىزۋ تالونى بولماي شىعىپتى. اتالعان ىسكە بايلانىستى قۇزىرلى ورگاندار  جەدەل تەرگەۋ امالدارىن جۇرگىزۋدە ەكەن.

اباي-اقپارات