اقمولا وبلىستىق مامانداندىرىلعان اۋدانارالىق ەكونوميكالىق سوتىنىڭ شەشىمىمەن، «اقمولا  وبلىسىنىڭ جەر قاتىناستارى باسقارماسى» مم-ءنىڭ «تاۋكەن-ستەپنوگور» جشس-نە كولەمى 43 956 720 تەڭگە بولاتىن اۋىلشارۋاشىلىق ءوندىرىس ىسىرابىنىڭ ورنىن تولتىرۋ تۋرالى تالابى قاناعاتتاندىرىلدى. سوت شەشىمى جەكە سوت ورىنداۋشىسى امانتاي دايىروۆقا تاپسىرىلدى. وسى اتقارۋ ءوندىرىسى بويىنشا ءۇش جىلعا سوزىلعان جۇمىس ءساتتى اياقتالىپ، تالاپ ەتىلگەن سوما تولىق كولەمدە ءوندىرىلدى.

اۋماعى 434,7 گەكتار بولاتىن اۋىلشارۋاشىلىق جەر تەلىمدەرى اقمولا وبلىستىق اكىمدىگىنىڭ قاۋلىسىنا سايكەس، «تاۋكەن-ستەپنوگور» جشس-نە 2009 جىلدىڭ ماۋسىمىندا 5 جىلعا جالعا بەرىلگەن ەدى. جالدانعان جەردىڭ ءبىر بولىگىندە التىن كەنى بولعان. الايدا، قويناۋىندا التىنى بار اۋماقتا ەشقانداي جۇمىستار جۇرگىزىلمەگەن، ۋاقىت وتە جەر تەلىمدەرى قۇندىلىعىنان ايرىلىپ، جارامسىز كۇيگە تۇسكەن. تالاپ قۇجاتىندا «تاۋكەن-ستەپنوگور» جشس كەلتىرگەن اۋىلشارۋاشىلىق ءوندىرىس ىسىرابى 43 956 720 تەڭگە دەپ انىقتالدى.

«اقمولا  وبلىسىنىڭ جەر قاتىناستارى باسقارماسى» مم مەن «تاۋكەن-ستەپنوگور» جشس اراسىنداعى سوت داۋى 5 جىلعا جۋىق جالعاستى. اكىمدىكتىڭ «تاۋكەن-ستەپنوگور»-عا كوپ مارتە جولداعان ەسكەرتۋلەرى ەلەنبەگەن.

قازىرگى ۋاقىتتا اتقارۋ ءوندىرىسى تولىق كولەمدە ورىندالىپ، وندىرىلگەن سوما رەسپۋبليكالىق بيۋدجەتكە قايتارىلدى. 

اباي-اقپارات