ورىس بودانىندا بولىپ، «كوممۋنيزمنىڭ» قامىتىن كيگەن قازاق ەلى تاۋەلىزدىگىن الا سالىپ، ءوزىنىڭ اتا ءدىنى يسلامعا بەت بۇردى. اۋەل باستا ءارتۇرلى ءدىن وكىلدەرى مەن يسلامنىڭ سان الۋان اعىمدارىن تىقپالاعان مىسىقتىلەۋلەردىڭ جولى بىرتىندەپ كەسىلىپ جاتىر.  بۇگىنگى قازاق اللا تاعالا پارىز ەتكەن 5 ۋاقىت ناماز بەن 5 پارىزىن وتەۋدى، قۇران كورسەتكەن اقيقات جولىمەن ءجۇرۋدى قۇپ كورەدى. سول ءۇشىن دە مەملەكەت پەن قوعام ءوز الىنشە ەڭبەكتەنىپ جاتىر. ال «مۇسىلمانعا بولسىن» دەپ قىزمەت ەتىپ جاتقان جەكەلەگەن ازاماتتاردىڭ قاتارى دا از ەمەس. سولاردىڭ ءبىرى – قازاقستان تاۋەلسىزدىگىنىڭ العاشقى جىلدارىندا اتاجۇرتقا ورالعان قانداسىمىز الحانباي ساتىبالدىۇلى. الحانباي مىرزانىڭ قازاق كوشى مەن ۇلت نامىسى سىنعا تۇسكەن ساتتەردە كەۋدە كەرىپ شىققانى ءوز الدىنا بولەك اڭگىمە. ول ­- بۇل كۇندە بارشا مۇسىلمانعا ارنالعان «ەلەكتروندى جاينامازدىڭ» اۆتورى. 

ناماز قالاي وقىلادى؟ نامازدا وقىلاتىن سۇرەلەر مەن ايتىلاتىن دۇعالار قانداي؟ جاينامازدا وتىرىپ، سونىڭ ءبارىن يگەرۋگە بولا ما؟ وسى سۇراقتاردىڭ جاۋابىن الحانباي مىرزا جاساعان «ەلەكتروندى جاينامازدان» تابا الاسىزدار. ءبىر ايتا كەتەرلىگى، ادەتتەگى جاينامازداردىڭ ۇزىنى كوبىندە 110 سم بولسا، بۇل جايناماز 140 سم-گە لايىقتالعان. الحانباي مىرزانىڭ ايتۋىنشا، بۇل جايناماز ارقىلى نامازدىڭ ۇركىندەرىن شاريعاتقا ساي تولىمدى ورىنداۋعا بولادى. ياعني نامازحان ساجدەگە جىعىلىپ، رۋكۋعقا تۇرعانداعى بارلىق قيمىلىن قالىپتاسقان ۇلگىگە ساي فيزيولوگيالىق تۇرعىدا دەنساۋلىققا دا پايدالى ەتىپ جاساي الادى.  ء«بىز ناماز وقىعانىمىز ارقىلى اللا تاعالادان شەكسىز ساۋاپ الامىز، سوعان ساي نامازدىڭ ۇركىندەرىن دە تولىق، دۇرىس ورىنداي الساق تەڭدەسسىز شيپاعا قول جەتكىزەمىز. ياعني ناماز وقىعاندا قۇران سۇرەلەرىن دۇرىس وقۋ قانشالىقتى ماڭىزدى بولسا، نامازدىڭ ۇركىندەرىن دە دۇرىس ورىنداۋ سونداي ماڭىزدى.»، - دەيدى الحانباي مىرزا. ونىڭ ۇستىنە «ەلەكتروندى جاينامازدار» تۇگەلدەي ءارتۇرلى بوياۋدا، قازاقى ناقىشپەن بەزەندىرىلگەن.

قۇران ءتىلىنىڭ بارلىق مۇسىلمانعا ورتاق ەكەنىن ەسكەرسەك، اتالمىش جاينامازدىڭ دۇنيەجەۇزىندەگى ءوزىن «مۇسىلمانمىن» دەپ ەسەپتەيتىن كەز كەلگەن ادامعا قاجەت ەكەندىگى ءسوزسىز. الحانباي مىرزانىڭ ارمانى دا سول. «ەلەكتروندى جايناماز» مۇمكىندىگىنشە الەم مۇسىلماندارىنىڭ نازارىنا ىلىگىپ، ءبىر ماقسات، ءبىر نيەتتە بولساق، ۇلتتىق ۇلگىدە تىگىلگەن قازاقستان جاينامازى شارتاراپتى شارلاسا نۇر ۇستىنە نۇر بولار ەدى»، - دەيدى ول. 

جيناقتاپ ايتقاندا، «ەلەكتروندى جايناماز» ارقىلى  نامازدا وقىلاتىن سۇرەلەردى دۇرىس وقۋعا، نامازدىڭ ۇركىندەرىن دۇرىس ورىنداۋعا، تيىسىنشە ۇلتتىق ويۋ-ورنەكتەرىمىزدى ۇلىقتاۋعا دا قول جەتكىزە الامىز.

حازىرەت ءابدىلدا

Abai.kz