ەلىمىزدىڭ مادەنيەت كۇندەرى اقش-تىڭ الەمگە تانىمال "كارنەگي حولل" زالىندا «قازاقستان امەريكادا: ماڭگى دالانىڭ سيقىرلى اندەرى» اۋقىمدى كونتسەرتتىك باعدارلاماسىمەن ءساتتى باستالدى، دەپ حابارلادى قر ءسىم ءباسپاسوز قىزمەتى.

قازاقستاننىڭ وتاندىق ونەر مايتالماندارىنىڭ كونتسەرتى ۆاشينگتونداعى كەننەدي ورتالىعىندا جالعاسىن تابادى. بۇل شارانى قازاقستان رەسپۋبليكاسىنىڭ مادەنيەت مينيسترلىگى اقش-تاعى ەلشىلىكتىڭ، بۇۇ جانىنداعى تۇراقتى وكىلدىك پەن نيۋ-يوركتەگى باس كونسۋلدىقتىڭ قاتىسۋىمەن ۇيىمداستىردى. كونتسەرت سونىمەن بىرگە قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋ ناۋقانىنىڭ جوعارى قارقىنعا يە بولۋىنا، سونداي-اق، استانادا ەكسپو-2017 وتكىزۋگە ورايلاستىرىلعان.

كونتسەرتتە بۇۇ-نىڭ باس حاتشىسى پان گي مۋن جۇبايىمەن جانە بۇكىلالەمدىك ۇيىم جانىنان تىركەلگەن اقش-تىڭ ءىرى قالالارىنداعى ديپلوماتيالىق كورپۋس وكىلدەرى بولدى.

Abai.kz