قازاقستاننىڭ سىرتقى ىستەر ءمينيسترى ەرلان ىدىرىسوۆ فرانتسيالىق «La Vanguardia» باسىلىمىنا بەرگەن سۇحباتىندا قازاقستان «ستان» جۇرناعىنان باس تارتپايتىنىن ايتقان.

«بۇل – باق-تىڭ قالجىڭى. ونى شىن دەپ قابىلداۋعا بولمايدى. قازاقستان – قازاقستان بولىپ قالادى»، دەپتى مينيستر.

ال، اعىمداعى جىلدىڭ اقپان ايىنىڭ باسىندا اتىراۋعا بارعان ساپارىندا پرەزيدەنت نازارباەۆ بولاشاقتا رەسپۋلبيكا اتاۋىن قازاق ەلى دەپ وزگەرتۋ ماسەلەسىن حالىقپەن اقىلداسا وتىرىپ قاراۋ كەرەكتىگىن ءمالىم ەتكەن ەدى.

پرەزيدەنتتىڭ بۇل ءسوزى ۇلكەن قوعامدىق تالقىعا ۇلاسىپ، ەل ىشىندەگى ەڭ قىزۋ تالقىلانعان تاقىرىپتاردىڭ بىرىنە اينالىپ ەدى. بيلىك تاراپىنان ناقتى ارەكەت بولماعاندىقتان، قازاق ەلى تۋرالى قوعامدىق پىكىردە ۋاقىت وتە كەلە سايابىرسىپ، ۇمىت بولدى.

ەندى، مىنە، ەرلان ىدىرىسوۆ مىرزا پرەزيدەنت ايتىپ، حالىق تالقىلاعان ماسەلەنى بار بولعانى باق-تىڭ قالجىڭى دەپ وتىر.

Abai.kz