كەشە پارلامەنت سەناتىنىڭ توراعاسى قاسىمجومارت توقاەۆتىڭ توراعالىق ەتۋىمەن وتكەن سەنات وتىرىسىندا ءسوز العان سەناتور قوجاحمەت بايماحانوۆ ۇكىمەت مۇشەلەرىنە ۋاقىت ولشەمىن وزگەرتۋ تۋرالى ۇسىنىس ايتتى. بۇل تۋارلى Baq.kz حابارلادى.

«جالپى، ەلىمىزدىڭ ەنەرگيا ۇنەمدەۋگە قاتىستى قابىلداپ جاتقان سان ءتۇرلى باعدارلامالارى مەن جوبالارى قۇپتارلىق-اق. دەسەك تە، مەنى مىناداي ءبىر ماسەلە الاڭداتادى. ەلىمىزدىڭ گەوگرافيالىق ورنالاسۋى تۇرعىسىنان ساعاتتىق بەلدەۋلەرى ءبىرشاما ۋاقىت الشاقتىعىن تۋىنداتادى. الايدا، التاي مەن اتىراۋ اراسىندا بايتاق دالامىزدا ءبىر عانا ساعاتتىق ولشەمنىڭ ەنگىزىلۋى ەل تۇرعىندارى ءۇشىن ءبىرشاما قولايسىزدىق تۋدىرۋمەن قاتار، ەكونوميكالىق تۇرعىدان دا ءتيىمسىز دەپ ويلايمىن. مىسالى، قىستىڭ كۇنى الماتىدا مەن قىزىلوردادا تاڭعى 9-دار شاماسىنداعى مەزگىل بىردەي ەمەس. بۇل ماسەلەدە الەۋمەتتىك سالا ماماندارى مەن وقۋشىلارىمىزعا قيىن. قاراڭعىلىقتان قىزمەتىنە كىرىسەتىن مەكەمەلەر ءۇشىن دە قانشاما ەنەرگيالىق شىعىندارعا اكەلەدى. جالپى، ءبىزدىڭ ەلدە قىزىلوردا مەن قوستاناي وبلىسىنداعى ۋاقىت ولشەمدەرىن قايتا قاراستىرعانىمىز ءجون سەكىلدى. وسى ماسەلە ۇكىمەتتىك دەڭگەيدە قارالدى ما ەكەن؟» – دەپ دەپۋتات بايماحانوۆ پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆقا قاراتا ساۋال تاستاعان.

ايتا كەتەتىن بولساق ەلىمىزدىڭ باتىس وبلىستارىندا استانا ۋاقىتىمەن ۋاقىت ايىرماشىلىقتارى بار. اقتوبە، اتىراۋ، ماڭعىستاۋ، باتىس قازاقستان وبلىستارىنىڭ ۋاقىتتىق بەلدەۋى +5. ەل اراسىندا قازاقستان ءۇشىن جازدىق ۋاقىت ولشەمىن پايدالانۋ تۋرالى قوعامدىق پىكىرلەر دە بار. الەمنىڭ كوپتەگەن ەلدەرىندە جازدىق ۋاقىت قولدانىلادى. جازعى ۋاقىت - نەگىزگى ۋاقىتپەن سالىستىرعاندا 1 ساعات ىلگەرى، ءار ەلدە قولدانىلاتىن ۋاقىت. دۇنيە ءجۇزىنىڭ كوپتەگەن ەلدەرىندە تاۋلىكتىڭ جارىق بولىگىن ءتيىمدى پايدالانۋ ءۇشىن ەنگىزىلەدى. جازعى ۋاقىتقا ءوتۋ ناۋرىزدىڭ سوڭعى جەكسەنبىسىندە، ال دەكرەتتىك ۋاقىتقا قايتا ءوتۋ قازاننىڭ سوڭعى جەكسەنبىسىندە جۇزەگە اسىرىلادى.

اباي-اقپارات