استانا كارتاسى جاڭا كوشەلەرمەن تولىعادى. ونوماستيكالىق كوميسسيا 21 كوشەنىڭ اتىن وزگەرتۋگە دايىندالىپ جاتىر، - دەپ حابارلايدى Tengrinews.kz استانا اكىمىنىڭ رەسمي سايتىنا سىلتەمە جاساپ.

بۇگىن استانا قالاسى ءماسليحاتىنىڭ تۇراقتى كوميسسياسىنىڭ وتىرىسى ءوتىپ وندا قالا كوشەلەرىنىڭ اتىن وزگەرتۋ ماسەلەلەرى قارالدى.  وتىرىس شەشىمى تۋرالى استانا قالاسى تىلدەردى دامىتۋ باسقارماسىنىڭ باسشىسى ەربول تىلەشوۆ: "قالا تۇرعىندارى ونوماستيكالىق كوميسسياعا كوشەلەردىڭ اتىن وزگەرتۋ جايلى وتىنىشتەرىن ءجيى جولدايدى. قازىر بىزگە 23 ءوتىنىش كەلىپ ءتۇستى. ونوماستيكالىق كوميسسيا ازاماتتاردىڭ ۇسىنىستارىن قاراپ شىعىپ، ەلوردانىڭ 21 كوشەسىن وزگەرتۋ جانە ەكى كوشەنى بىرىكتىرۋ تۋرالى شەشىم قابىلدادى", - دەپ مالىمدەدى.

سونداي-اق بۇل جيىندا اتى-جوندەردى دۇرىس جازۋعا ەرەكشە نازار اۋدارىلۋى ءتيىس ەكەندىگى اتاپ ءوتىلدى، ويتكەنى بۇل جاعدايدا قاتەلىككە جول بەرۋگە بولمايدى، ءارى كوشە اتتارىنىڭ وزگەرگەندىگى تۋرالى تۇرعىندار تولىق اقپاراتتانۋى كەرەك. بۇل – قانداي دا ءبىر مەكەنجايدى ىزدەگەندە، قيىندىق تۋدىرماس ءۇشىن ماڭىزدى.

ايتا كەتەتىن بولساق، تىلدەردى دامىتۋ باسقارماسىنا كەلىپ تۇسكەن بارلىق وتىنىشتەر قر پارلامەنتىنىڭ جانە قالالىق ءماسليحات دەپۋتاتتارى، سوعىس جانە ەڭبەك ارداگەرلەرى كەڭەسىنىڭ، ەلوردالىق جوو جانە قر ۇلتتىق مۇراعاتىنىڭ وكىلدەرى ەنگەن ونوماستيكالىق كوميسسيانىڭ تالقىسىنا ۇسىنىلادى، سودان كەيىن قالالىق ءماسليحاتتىڭ قاراۋىنا جولدانادى.

اباي-اقپارات